हेमजा साहित्य प्रतिष्ठानले आयोजना गरेको असारेगीत प्रतियोगितामा पार्वती बास्तोला प्रथम भएकी छन्। प्रतियोगितामा अप्सरा तिम्सिना दोस्रो र विष्णु त्रिपाठी तेस्रो भए।

प्रतियोगिता निर्णायकमा देवीस्थान भजन समूहका अध्यक्ष भरतचन्द्र गौतम, कलाकार रीता कार्की र गंगा त्रिपाठी थिए।

त्यस्तै, १९४ औं शुभप्रभात काव्यमाला पनि गरिएको थियो। जसमा आर्या त्रिपाठी, अनु त्रिपाठी, शास्त्र निधि, टेकबहादुर कुमाल, गोविन्द पराजुली, विष्णुप्रसाद पराजुली, नारायणी रेग्मी, भगवती पौडेल र पार्वती बानियाँले रचना वाचन गरेका थिए। प्रतिष्ठान सल्लाहकार महाकाव्यकार छन्दिका त्रिपाठीको प्रमुख आतिथ्यमा भएको कार्यक्रममा, कृषि संजाल हेमजाका संयोजक मोतिराम तिम्सिना, राष्ट्रिय लोक तथा दोहारीगीत प्रतिष्ठान हेमजा अध्यक्ष जयराम तिम्सिना, गीताञ्जली साहित्य परिवारका सदस्य ढुण्डीराज ज्ञवाली लगायतले असारेगीतको महत्वबारे बोलेका थिए।

प्रतिष्ठान अध्यक्ष कृष्णप्रसाद पौडेलको अध्यक्षतामा भएको कार्यक्रम कोषाध्यक्ष सुनिल गायकले संचालन गरेका थिए।