पोखरा २४ मा कनेक्टिङको काम तीव्र

आदर्श समाज सम्वाददाता
जेठ १०, २०७६
24 sadak photo

पोखरा, १० जेठ । पोखरा महानगरपालिकाले पहाडी भूभागलाई केन्द्रसँग जोड्न थालेको कनेक्टिङ सडक निर्माणको कामले गति लिएको छ । कनेक्टिङ सडक अन्तर्गतकै पोखरा २४ मा सडकको स्तरोन्नति गर्ने काम अहिले धमाधम भइरहेको छ ।

पोखरा २४ का वडाध्यक्ष ओमप्रसाद सुवेदीका अनुसार आमकुना चिलिडाँडा, सिमलचौर—गुन्टेचौर—फुल्सेडाँडाहुँदै देउराली सेरा सम्मको सडक खण्ड र पामेदेखि वडा कार्यालयसम्म पुग्ने कनेक्टिङ सडकको काम भइरहेको हो ।

आमकुना देउराली सेरा सडक खण्डको काम ३० प्रतिशत पूरा भएको वडा नम्बर २४ का इन्जिनियर रामजीप्रसाद त्रिपाठीले जानकारी दिए । उनका अनुसार सडकमा ग्याबियन भर्ने काम सकिएको छ । उक्त सडक खण्डको ३ किमी सडकलाई नालासहित ८ मिटर चौडाइको बनाइने छ । सडक खण्डमा ३ सय ६० मिटर नाला बनाइनेछ । ५ ठाउँमा गरी ३ सय ५० घनमिटर ग्याबियन भर्ने काम सकिएको त्रिपाठीले बताए ।

उक्त सडकमा ५ ठाउँमा कल्र्भट पाइप र २ ठाउँमा सिँचाइको पाइप, एउटा कजवे, एउटा बेस्टवाल, निर्माण गरिने छ । फराकिलो पारिएको सडक खण्डको ३ किमी सडकलाई ग्राबेलिङ गरिने महानगरको सहरी पूर्वाधार महाशाखाका इन्जिनियर धुव्र भट्टराईले जानकारी दिए ।

सडकको उक्त काम गर्न महानगरपालिकाले १ करोड ५० लाखमा टेन्डर आह्वान गरेकोमा कुमार कस्ट्रक्सनले ९२ लाख ६५ हजारमा सम्पन्न गर्ने गरी महानगरपालिकासँग सम्झौता गरेको छ । निर्माण कम्पनीलाई आगामी भदौ ४ गतेसम्म काम सक्न समयसीमा तोकिएको छ । निर्माण कम्पनीले गत चैत १५ गते सम्झौता गरी काम गरिरहेको छ ।

यसैगरी वडा नम्बर २४ कै पामेदेखि वडा कार्यालयसम्म पुग्ने सडकलाई पनि स्तरोनन्ति गर्ने काम भइरहेको छ । १ हजार ५ सय मिटरसम्म सडकलाई नालासहित ८ मिटर फराकिलो बनाइने इन्जिनियर त्रिपाठी बताए । उनका अनुसार ५० मिटर रिटेनिङवाल, ४ ठाउँमा गरी ३ सय ४५ ग्याबियन भर्ने, कल्भर्ट ५ वटा, कजवे एउटा निर्माण गरिने छ ।

उक्त सडकको ५ सय मिटर सडकलाई ग्राबेलिङ गरिने छ । उक्त कामका लागि ७५ लाखमा महागरले टेन्डर निकालेकोमा ४६ लाख ७६ हजारमा सक्ने गरी केडी कस्ट्रक्सनले सम्झौता गरेको छ । निर्माण कम्पनीलाई भदौ ४ गते भित्र उक्त काम सक्नको लागि समय सिमा तोकिएको छ । महानगरले कनेक्टिङ सडक अन्तर्गत २७ योजनालाई बहुवर्षीयमा राखेका काम गरिरहेको छ ।

Related News

सम्बन्धित समाचार

  • मधेसमा ‘बोक्सी हुन्न’ अभियान

    आदर्श समाज सम्वाददाता भाद्र ३, २०७९
    हेमजा । मधेस प्रदेशका विभिन्न जिल्लामा ‘बोक्सी हुन्न’ अभियान संचालन गरिएको छ । मान्छे बोक्सी हुन्न कहिल्यै राष्ट्रिय जागरण प्रतिष्ठान…
  • भगिनी सम्बन्धको दुरुपयोग

    आदर्श समाज सम्वाददाता भाद्र ३, २०७९
    पोखरा । कास्कीको माछापुच्छ्रे गाउँपालिकाका बालकृष्ण गौतम जेठमा कोरिया गए । गाउँपालिकाले ‘सिजनल भिसा’ मा कोरिया जान सिफारिस गरेपछि उनी…
  • बाबुको निधनपछि १९ वर्षीया साधनाको उपचारमा सकस

    आदर्श समाज सम्वाददाता भाद्र २, २०७९
    लमजुङ । बेंशिसहर–८ की १९ वर्षीया साधना श्रेष्ठको उपचारमा आर्थिक अभाव सिर्जिएको छ । राइनोरियाका कारण उनको उपचारमा धेरै रकम…
  • नागरिक विधेयक प्रक्रियामा

    आदर्श समाज सम्वाददाता भाद्र २, २०७९
    पोखरा । प्रमाणीकरणका लागि पठाएको नागरिकता विधेयक राष्ट्रपतिले फिर्ता पठाएपछि उत्पन्न तरंग कसरी साम्य होला भन्ने संशयबीच सो विधेयकको पुनः…
  • मुग्लिन–पोखरा सडक विस्तार : पहिलो वर्षनै प्रगति न्यून

    रासस भाद्र १, २०७९
    काठमाडौं । ठेक्का अवधिको एक वर्ष बित्नै लाग्दा पृथ्वीराजमार्ग (मुग्लिन–पोखरा) सडकको हालसम्मको प्रगति दुई प्रतिशतको हाराहारी छ । चार लेन…

hero news full width