Worldlink ads

विकास निर्माणमा राजनीति भन्दा माथि उठ्नु पर्दछ–मुख्यमन्त्री गुरुङ

आदर्श समाज सम्वाददाता
वैशाख ३०, २०७६
boring water (3)

पोखरा, ३० बैशाख । गण्डकी प्रदेशका मुख्यमन्त्री पृथ्वीसुव्वा गुरुङले विकास निर्माणका लागि राजनीति भन्दा माथि उठ्नु पर्नेमा जोड दिएका छन् ।

पोखरा–१४ देउराली टोलमा निर्माण गरिएको खानेपानी बोरिङ एवम् पक्की भवनको सोमवार उद्घाटन गर्दै उनले स्वच्छ एवम् शुद्ध पानी पिउन पाउने जनताको नैसर्गिक अधिकार भएको बताए ।

प्रदेश सरकारले दुई वर्ष भित्र एक घर एक धारा पुर्याउने अभियानलाई बोरिङ सञ्चालनले सहयोग पुगेको बताउँदै उनले सरकारले हालसम्म प्रदेशमा छ हजार भन्दा बढी नयाँ धारा जडान गरिसकेको जानकारी दिए ।

भौतिक योजना तथा पूर्वाधार मन्त्री रामशरण बस्नेतले बोरिङ खानेपानीको शुद्धीकरणका लागि प्रदेश सरकारकोतर्पmवाट आवश्यक सहयोग गर्ने बताए ।

सरकारको मुख नताकी जनस्तरबाट बोरिङको सञ्चालन गरेर खानेपानीको व्यवस्था गर्नु महत्वपूर्ण कार्यभएको उल्लेख गर्दै उनले यस्ता कार्यले समाजलाई संगठित गर्न सहयोग पुग्ने विश्वास व्यक्त गरे ।

वडाको दुर्गा भगवती र देउराली टोलमा छुट्टाछुट्टै दुईवटा खानेपानी बोरिङ र पक्की भवन सहित ३२ लाख ७४ हजार १६६ रुपैयाँ खर्च भएको बोरिङ उपभोक्ता समितिका अध्यक्ष शिवप्रसाद पोख्ररेलले जानकारी दिए ।

खानेपानीको हाहाकार भएपछि २०६२ सालमा स्थानीयको सक्रियतामा १७ लाखको लागतमा बोरिङगरी पानीको सुविधा पुर्यार्उदै आएको बताउँदै उनले वस्ती विस्तारकासंगै पानीको माग बढेपछि १८ लाख ८ हजार रुपैयाँमा नयाँ बोरिङ सञ्चालनमा ल्याइएको हो ।

खानेपानीको पाईप विस्तारका लागि पोखरा महानगरपालिकाबाट २० लाख रुपैया प्राप्त भएको उक्त दुई वटा वोरिङबाट हालसम्म दुर्गाभगवती, देउराली,नयाँ शिवालय, माथिल्लो शान्ति, तल्लो नयाँ विकास, राधाकृष्ण, खाल्टे, मनकामना, शुभकामनाटोलका एक हजार ६७ घरपरिवारलाई खानेपानी सुविधा पुगेकोछ ।

कार्यक्रमा बोरिङ सञ्चालनमा उल्यखनीय सहयोग गरेबापत वडाध्यक्ष प्रेमबहादुर कार्कीलाई दोसल्ला र सम्मानपत्रले सम्मान गरिएको थियो ।

Related News

सम्बन्धित समाचार

    hero news full width