Worldlink ads

सन्तबहादुर तमु स्मृति समाजसेवा अक्षयकोष स्थापना

आदर्श समाज सम्वाददाता
वैशाख १२, २०७६
santa smriti sava 2

पोखरा, १२ वैशाख । तमु धिं नेपालका वरिष्ठ उपाध्यक्ष, समाजसेवी स्वर्गीय सन्तबहादुर गुरुङको स्मृति सभा सम्पन्न भएको छ ।

तमु धिं नेपालद्वारा आयोजित स्मति सभामा स्वर्गीय गुरुङको योगदानको स्मरण गरिएको थियो । स्याङ्जा जिल्ला, फेदिखोला गाउँपालिका आक्राङ गाउँघरभई पोखरा– १५ नयाँगाउँ निवासी तमु धिं नेपालका वरिष्ठ उपाध्यक्ष, कालिका बहुमुखी क्याम्पसका उपाध्यक्ष, माछापुच्छ«े बैंकका सञ्चालक सदस्य समाजसेवी गुरुङ अस्वस्थ्य भई ७१ वर्षमा गत फागुनमा निधन भएको थियो ।

तमु धिं नेपालका संस्थापक सल्लाहकार, सचिव, सल्लाहकार, वरिष्ठ सल्लाहकार हुदै वरिष्ठ उपाध्यक्षको जिम्मेवारीकै क्रममा निधन भएका स्वर्गीय सन्तबहादुर तमुको स्मृतिमा समाजसेवीहरुलाई वार्षिक रुपमा सम्मान गर्नका लागि तमु धिं नेपालकी अध्यक्ष कर्म तमुले १ लाख रुपैयाँको सन्तबहादुर तमु स्मृति समाजसेवा सम्मान अक्षयकोष घोषणा गरेकी छन् ।

उक्त अवसरमा अध्यक्ष कर्म तमुले सधै उर्जा, प्रोत्साहन, मार्गनिर्देश गर्ने आफ्नो छायाँ हराएको बताइन् । परिवारका तर्फबाट स्व.तमुको भाई रोश तमुले दाईले आफ्नो स्वास्थ्य समस्या लुकाउदा भित्र भित्रै अत्यन्तै ठुलो समस्या बनेको बताए । घरवरिवारसँग पनि स्वस्थ्य समस्या गोप्य राखेको जानकारी दिँदा समस्या झन बल्झदै गएकै कारण दाईले अगालमै ज्यान गुमाउनु परेको रोश गुरुङले बताए ।

तमु धिं नेपालका सल्लाहकार, वरिष्ठ अधिवक्ता कृष्णबहादुर तमुले स्वर्गीय सन्तबहादुर तमुको जीवनीका बारेमा जानकारी र योगदानको चर्चा गर्दै संस्थागत विकासका लागि दिएका मार्गनिर्देशलाई तमु धिंले पछ्याइ रहनुपर्नेमा जोड दिए ।

कालिका बहुमुखी क्याम्पसका प्रमुख बालकृष्ण शर्माले विगत २७ वर्षदेखिको सन्तबहादुर तमुको सहकार्य, प्रष्ट विचार, योजना र कठिन अवस्थाका सहारा गुमाएको बताए । नेपाली काँग्रेसका युवा नेता दिपक गुरुङले आफुहरु गुल्जार तमुको सन्तानहरु भएको भन्दै बंशावली इतिहास सुनाउनुहुदै उनले संस्थाको मेरुदण्ड भएको बताए । स्मृति सभामा स्व.सन्तबहादुर तमुको छोरा इञ्जिनियर गौरब तमु समेत स्मृति सभामा सहभागी थिए ।

Related News

सम्बन्धित समाचार

    • विवेकशील साझाका अध्यक्ष रवीन्द्र मिश्रलाई कोरोना

      आदर्श समाज सम्वाददाता माघ ३, २०७८
      पोखरा । विवेकशील साझा पार्टीका अध्यक्ष रवीन्द्र मिश्रलाई कोरोना संक्रमण भएको छ । मिश्रले आफूलाई पनि कोरोना संक्रमण भएको सामाजिक…
    • एक्यापसँग निरीह तल्ला सरकार

      आदर्श समाज सम्वाददाता माघ ३, २०७८
      पोखरा। कास्कीको मादी गाउँपालिकाले आफ्नो क्षेत्रबाट अन्नपूर्ण संरक्षण क्षेत्र आयोजना (एक्याप) हटाइदिन संघ सरकारसँग आग्रह गरेको छ । विकासमा साझेदारी…
    • पत्रकार नारदजस्तो तटस्थ र निर्भीक हुनुपर्छः बास्तोला

      आदर्श समाज सम्वाददाता माघ १, २०७८
      कपिलबस्तु । स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोलाले पत्रकार नारदजस्तो हुन सक्नु पर्ने बताएका छन् । उनले स्वतन्त्र…
    • नेपाली नर्स लैजान बेलायत तयार

      रासस माघ १, २०७८
      पोखरा । नेपाल र बेलायतबीच श्रम सम्बन्ध कायम गर्ने विषयमा दुई देशका अधिकारी सहमत भएका छन्। दुवै देशका अधिकारीबीच शुक्रबार…
    • नरभक्षी बाघ नियन्त्रणका लागि टोली परिचालन   

      आदर्श समाज सम्वाददाता पौष ३०, २०७८
      नवलपुर। नवलपरासी (बर्दघाट–सुस्तापूर्व)मा बाघको आक्रमण बढ्दै गएपछि सो बाघको अनुगमन र नियन्त्रणका लागि टोली खटिएको छ । जिल्लाको विनयी त्रिवेणी…

    hero news full width