पोखरा, २५ चैत । पोखरा–२८ माझठानाको रत्न शोभा माविमा निःशुल्क स्वास्थ्य शिविर सम्पन्न भएको छ ।

लायन्स क्लब अफ पोखरा संगम र लायन्स क्लब अफ पोखरा पिस सिभिकको संयुक्त आयोजनामा निःशुल्क स्वास्थ्य शिविर संचालनमा ल्याइएको हो । उक्त शिविरवाट उक्त वडा निवासी ८३५ जनाले निःशुल्क स्वास्थ्य परिक्षण गरेका हुन् ।

शिविरमा मधुमेह,आँखा, पेट, छाती, मुटु ,नाक , कान, घाँटी, दाँत, नशा तथा मनोरोग लगाएतका रोगको परिक्षण गरिएको थियो । शिविरमा जाँच गर्नेलाई निःशुल्क औषधि वितरण तथा १५० जनालाई निःशुल्क चस्मा वितरण गरिएको लायन दीपक श्रेष्ठले जानकारी दिए ।

स्वास्थ्य शिविरमा पोखराका विभिन्न अस्पतालका चिकित्सकहरु सुदर्शन सुवेदी, विकल लामिछाने, रामप्रसाद लामिछाने, अञ्जल जिसी, राजेन्द्र नेपाली, लगायतले स्वासथ्य जाँच गरेका थिए । शिविरमा आँखा परिक्षण गर्ने क्रममा मोतीयाबिन्दुको समस्या देखिएका ८ जना बिरामीको निःशुल्क शल्यक्रिया गराइदिने प्रतिबद्धता आयोजक क्लबहरूले गरेका छन् ।