Worldlink ads

हिन्दूराष्ट्र कायम गर्न क्षत्री समाजको आन्दोलन

आदर्श समाज सम्वाददाता
चैत्र २१, २०७५
chhetri samaj_Fotor

पोखरा, २० चैत। राप्रपा, नेपाली काँग्रेस लगायत राजनीतिक पार्टीका नेताहरुले देशमा धर्म निरपेक्षता लागू गनेर्बारे जनमतसंग्रह गर्नुपर्ने आवाज उठाइरहेको बेला क्षत्री समाज नेपालले पनि धार्मिक स्वतन्त्रतासहितको हिन्दूराष्ट्र नेपाल कायम गर्नुपर्ने माग राख्दै देशव्यापी आन्दोलन गर्ने भएको छ। समाजले आफ्नो तेश्रो महाधिवेशन तयारीक्रममा बुधबार पोखरामा आयोजित पत्रकार सम्मेलनमा उक्त जानकारी दिएको हो। पत्रकार सम्मेलनमा समाजका पूर्व अध्यक्ष प्राडा दिलबहादुर क्षत्रीले भने, ‘हामीले आफ्नोमात्र होइन गुरुङ, मगर, राई, लिम्बु सबैको साझा पहिचानको आवाज उठाएका छौँ।’

उनले वैदिक हिन्दू सनातन धर्म भएको नेपाललाई यूरोपियन क्रिश्चियनहरुको दबाबमा परेर अन्यायपूर्ण तरिकाले धर्म निरपेक्ष बनाइएको बताए। क्षत्री समाजभित्र कुनै राजनीतिक कुरा नभएको दाबी गर्दै उनले भने, ‘हामी समुच्च राष्ट्रको हितको कुरा गछौँ।’

‘देशमा सबैभन्दा धेरै जनसंख्या रहेको क्षत्री जातिलाई विभेद गरिएको छ,’ उनले भने, ‘राज्यले आरक्षण सुविधा कुनै जाति विशेषलाई होइन विपन्न वर्गलाई दिनुपर्छ’।

अध्यक्षको आसनबाट समाजका केन्द्रीय अध्यक्ष प्राडा चन्द्रबहादुर थापाले क्षत्री समाजलाई कमजोर नठान्न सरकारलाई चुनौती दिँदै भने, ‘देशका हजारौं हजार क्षत्रीहरुको शक्ति महाधिवेशनमा र्याली गरेर देखाउँछौँ।’ उनले भने, ‘यो देशको कुनै पनि नागरिक राज्यबाट उपेक्षित हुनु हुँदैन।’

प्रेस विज्ञप्ति वाचन गर्दै समाजका महासचिव रोमबहादुर कार्कीले आफ्ना आवाजलाई बुलन्द पार्न सडक संघर्ष अपरिहार्य रहेको धारणा राखे। प्रचार प्रसार संयोजक एवं समाजका केन्द्रीय सचिव कृष्ण थापाको स्वागत मन्तव्य रहेको उक्त कार्यक्रमको सञ्चालन क्षत्री महिला समिति सचिव विमला भण्डारीले गरेकी थिइन्।

क्षत्री समाजको महाधिवेशन चैत २३ र २४ गते पोखरामा हुँदैछ।

Related News

सम्बन्धित समाचार

    • विवेकशील साझाका अध्यक्ष रवीन्द्र मिश्रलाई कोरोना

      आदर्श समाज सम्वाददाता माघ ३, २०७८
      पोखरा । विवेकशील साझा पार्टीका अध्यक्ष रवीन्द्र मिश्रलाई कोरोना संक्रमण भएको छ । मिश्रले आफूलाई पनि कोरोना संक्रमण भएको सामाजिक…
    • एक्यापसँग निरीह तल्ला सरकार

      आदर्श समाज सम्वाददाता माघ ३, २०७८
      पोखरा। कास्कीको मादी गाउँपालिकाले आफ्नो क्षेत्रबाट अन्नपूर्ण संरक्षण क्षेत्र आयोजना (एक्याप) हटाइदिन संघ सरकारसँग आग्रह गरेको छ । विकासमा साझेदारी…
    • पत्रकार नारदजस्तो तटस्थ र निर्भीक हुनुपर्छः बास्तोला

      आदर्श समाज सम्वाददाता माघ १, २०७८
      कपिलबस्तु । स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोलाले पत्रकार नारदजस्तो हुन सक्नु पर्ने बताएका छन् । उनले स्वतन्त्र…
    • नेपाली नर्स लैजान बेलायत तयार

      रासस माघ १, २०७८
      पोखरा । नेपाल र बेलायतबीच श्रम सम्बन्ध कायम गर्ने विषयमा दुई देशका अधिकारी सहमत भएका छन्। दुवै देशका अधिकारीबीच शुक्रबार…
    • नरभक्षी बाघ नियन्त्रणका लागि टोली परिचालन   

      आदर्श समाज सम्वाददाता पौष ३०, २०७८
      नवलपुर। नवलपरासी (बर्दघाट–सुस्तापूर्व)मा बाघको आक्रमण बढ्दै गएपछि सो बाघको अनुगमन र नियन्त्रणका लागि टोली खटिएको छ । जिल्लाको विनयी त्रिवेणी…

    hero news full width