हेमजा, ११ चैत।वडा कार्यालय तथा महिला सञ्जाल पोखरा–२५, हेमजाको आयोजनामा कानूनी साक्षरता कार्यक्रम सोमबार सकिएको छ।
तीन दिनसम्म चलेको कार्यक्रमको समापनमा प्रमुख अतिथि वडाध्यक्ष शोभाकर तिम्सिनाले प्राप्त सीप व्यवहारमा उतार्नुपनेर्मा जोड दिए । उनले हेमजाका महिलाले अब वडाको नेतृत्व गर्न सक्ने क्षमता विकास गर्नुपनेर्मा जोड दिए। उनले स–साना झंैझगडा टोलमै मिलाउन सहभागी महिलालाई सुझाव पनि दिए।
अधिवक्ता भीमप्रसाद श्रेष्ठले सकारात्मक सोचले नै जीवन उपयोगी र खुसी हुने औँल्याएका थिए।
कार्यक्रम संयोजक तथा महिला सञ्जाल अध्यक्ष रमा त्रिपाठीले अरुलाई सम्मान गर्न सकेमात्र आफूले सम्मान पाउने बताइन।त्यस अवसरमा सहभागीतर्फबाट शान्ति शर्मा र रीता कार्की कुँवरले भनाइ राख्दै कार्यक्रम प्रभावकारी बनेको प्रतिक्रिया दिए।
कार्यक्रममा अधिवक्ता जानकी शर्मा, वरिष्ठ कानून अधिकृत नारायणप्रसाद शर्मा, पोखरा महानगर कानुन शाखा प्रमुख राममणि अधिकारी, सरसफाइ शाखा प्रमुख कल्पना बराल र अधिवक्ता भीमप्रसाद श्रेष्ठले सहजीकरण गरेका थिए।
उनीहरुले विभिन्न मुद्दा, अंशवन्डा, घरेलु हिंसा, उजुरी दर्ता, संविधानमा भएका कानूनी अधिकार, न्यायिक समिति गठन, महानगरपालिकाको न्यायिक समिति कार्यविधिसम्बन्धी ऐन २०७४, फोहोर व्यवस्थापन तथा सकारात्मक सोचबारे जानकारी दिएका थिए।
वडा सदस्य तारा विकको अध्यक्षतामा भएको उक्त कार्यक्रममा वडा सदस्य लक्ष्मी अधिकारीले स्वागत र कार्यक्रम संयोजक तथा महिला सञ्जाल हेमजा अध्यक्ष रमा त्रिपाठीले संचालन गरेकी थिइन्।
Related News
सम्बन्धित समाचार
पोखरा ६ मा साबुन बनाउने तालिम
रोजगारी दिनेभन्दा खोज्ने कम : २ सय ४५ जनाले पाए रोजगारी
गण्डकी बोर्डिङका शिक्षकलाई तालिम
प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन
एनटिभिएको शुभकामना आदानप्रदान
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१