लेखनाथ, ११ चैत । पोखरा महानगरपालिका वडा नं. २७ का कर्मचारीले कार्यालय परिसरमा विभिन्न जातका दुई सय पचास फुलका विरुवा रोपेका छन् ।

कर्मचारीले सोमबार विहान र कार्यालय समय पछि गरी विभिन्न जातका फुलका विरुवा रोपेका हुन । साविक लेखनाथ नगरपालिकाको कार्यालय रहेको भवनमा अहिले वडा नं. २७ को कार्यालय रहँदै आएको छ ।

मुलगेट देखी परिसरसम्म रोपिएका विभिन्न जातका फुलका विरुवाले कार्यालयको सुन्दरतामा थप बृद्धि भएको वडा नंं २७ का वडा सचिव लिलामणि भण्डारीले बताए । विहान एक घण्टा अगाडी र बेलुका कार्यालय समय पछिको समयलाई व्यवस्थापन गरेर विरुवा रोपिएको उनले बताए । वडा कार्यालय ३६ रोपनी क्षेत्रफलको परिसरमा रहेको छ ।