लेखनाथ, ३ चैत। कास्कीको साविक लेखनाथ नगर क्षेत्रलाई कार्यक्षेत्र बनाएर ङ्योए तमु धिं लेखनाथले एम्बुलेन्स सेवा संचालन गर्ने भएको छ।

भारतीय राजदुतावासको सहयोगमा प्राप्त एम्वुलेन्सबाट पोखरा महानगरपालिका वडा नं २६ देखि ३३ सम्मका आठवटा वडाका जनतालाई सेवा दिने उदेश्यले एम्वुलेन्स संचालन गर्न लागिएको हो।

ङ्योए तमु धिं लेखनाथ कास्कीको लागि प्राप्त एम्बुलेन्सबाट यस क्षेत्रका जनतालाई सर्वसुलभ रूपमा सेवा प्रदान गरिने समितिका महासचिव सुवेदार मेघबहादुर गुरुङले जानकारी दिए। ङ्योए तमु धिं लेखनाथमा रहने एम्वुलेन्सका लागि ९८४६०३१६३३ मा सम्पर्क गरी सेवा लिन सकिने बताईएको छ।