प्रधानमन्त्री केपी ओलीलाई ज्ञापन पत्र

आदर्श समाज सम्वाददाता
चैत्र ३, २०७५
tamu photo

पोखरा, ३ चैत्र तमु धिं नेपालले प्रधानमन्त्री केपी ओलीलाई ज्ञापन पत्र बुझाएको छ । विप्लव माओवादी सहित असन्तुष्ट आदिवासी जनजाति, थारु, मधेशीका माग वार्ता मार्फत नै पुरा गर्नु पर्ने माग राख्दै ज्ञापन पत्र बुझाएका हुन् ।

तमु धिं नेपालकी अध्यक्ष कर्म तमुको नेतृत्वको टोलीले आइतवार कास्कीका प्रमुख जिल्ला अधिकारी चक्रबहादुर वुढा मार्फत प्रधानमन्त्री केपी शर्मालाई ज्ञापन पत्र बुझाएका हुन् ।

तमु ल्होछारमा सार्वजनिक विदा, सिंहप्रसाद तमुले बम विष्फोटमा परी जीवन गुमाउनु परेको, बैदेशिक रोजगार संघका अध्यक्ष रोहन तमुको घरमा बम बिष्फोट घटनाका दोषीलाई कारवाही, पवित्र बस्त्र खादाका बारेमा समाजमा द्धेष फैलाउन खोज्नेलाई कारवाहीको माग ज्ञापनपत्र उल्लेख छ ।

ज्ञापनपत्र ग्रहण गर्नुहुदै प्रजिअ बुढाले तमु धिं नेपालको मागपत्र तत्कालै गृहमन्त्रालय मार्फत प्रधानमन्त्रीलाई पठाउने आश्वासन दिएका थिए । साथै प्रजिअ वुढाले शान्ति स्थापनाका लागि तमु धिंको भुमिका महत्वपूर्ण रहदै आएको बताए ।
ज्ञापन पत्रमा “खुशी नेपाली,समृद्ध नेपाल” नारा लिएको खड्गप्रसाद शर्मा ओलीको नेतृत्वको सरकार गठनले वर्षदिन पुगिसक्दा पनि नेपाल र नेपाली जनताको समृद्धिको सपना पुरा गर्नुको सट्टा पुन मुलुकमा द्वन्द्वको कालो बादल मडारिएको छ।

सरकार दुइतिहाइबाट बुहमततर्फ झरेको छ। ओली सरकारले नेत्रबिक्रम चन्द्र विप्लव नेतृत्व नेकपा माओवादीलाई प्रतिबन्धित बनाएको छ भने विप्लव नेकपा माओवादीले दोश्रो जनयुद्ध समेत घोषणाले मुलुकमा शान्तिपुर्ण शान्ति खलबलिएको छ। हामी गोला बारुद्ध होइन, सबैको आत्मसम्मान हुने समृद्ध नेपाल चाहेका छौं, ज्ञापन पत्रमा उल्लेख छ ।

बहुजातिय, बहुसाँस्कृतिक, विविधताको मुलुक नेपालमा नेपाल सरकारले २०७६ सालको सार्वजनिक विदाको निर्णय प्रति हाम्रो ध्यानाकर्षण भएको छ। देशको ३१ प्रतिशत जनसंख्या रहेका जनसमुदायलाई आम नेपाली सम्झी सार्वजनिक १५ दिनको विदामा ११ दिन उनीहरुकै लागि र ३७ प्रतिशत आदिवासी जनजातिले प्राप्त गरेको ५ दिनको सार्वजनिक विदा कटौतीले विदामा समेत विभेद भएकोमा हाम्रो विरोध रहेको छ । १५ दिन सार्वजनिक विदा एवं सट्टा विदाको नाउमा तमु ल्होछार लगायतका आदिवासी जनजातिका पर्वहरुमा क्षेत्र र समुदाय विशेष गरी पर्वलाई संकुचिन गरिनु आपत्तिजनक छ ज्ञापन पत्रमा उल्लेख गरिएको छ ।

तमु धिं नेपालकी अध्यक्ष कर्म तमुद्धारा हस्ताक्षरित ज्ञापन पत्रमार्फत धर्मनिरपेक्ष र सामाजिक सद्भावयुक्त देश नेपालमा केही समयदेखि पवित्र बस्त्र खादाकाबारे भ्रम फैलाउदै समाजमा द्धेष फैलाउन उद्धत रहने तत्वलाई कारबाही गर्न माग समेत गरिएको छ ।

Related News

सम्बन्धित समाचार

  • ‘जंगल जंगल डुल्नुपर्छ भन्ने चिन्ताले नर्सिङ’

    आदर्श समाज सम्वाददाता मंसिर १५, २०७९
    पोखरा । पोखरेली युवा सांस्कृतिक परिवारले स्रष्टाका अनुभव र अनुभूतिअन्तर्गतको नयाँ शृंखलामा मंगलबार साहित्यकार तथा राधा पौडेललाई प्रस्तुत ग¥यो ।…
  • दलले गुमाए मत

    प्रकाश ढकाल मंसिर १५, २०७९
    पोखरा । पहिलो पार्टी बन्ने तरखरमा रहेको नेपाली कांग्रेस र बलियो पहिलो पार्टीबाट दोस्रोमा खस्किन लागेको एमालेसहित परम्परागत अधिकांश दलको…
  • कास्कीमा ५ प्रतिशत मत बदर

    रासस मंसिर १४, २०७९
    पोखरा ।कास्कीमा यस पटकको प्रतिनिधिसभा तथा प्रदेशसभा निर्वाचनमा करिब पाँच प्रतिशत मत बदर भएको छ । तीन निर्वाचन क्षेत्र रहेको…
  • डुम्रे–बेंसीसहर सडक बन्द

    आदर्श समाज सम्वाददाता मंसिर १४, २०७९
    लमजुङ । लमजुङ सदरमुकाम बेसीसहरसँग जोडिएको एकमात्र सडक फेरि एक साताका लागि बन्द गरिएको छ । साढे ५ महिनापछि खुलेको…
  • पोखरालाई विश्वसँग जोड्दै विमानस्थल   

    आदर्श समाज सम्वाददाता मंसिर १३, २०७९
    काठमाडौं ।  पर्यटकीय नगरी पोखरा (कास्की)मा पोखरा क्षेत्रीय अन्तर्राष्ट्रिय विमानस्थल सञ्चालन हुने भएपछि मुलुकको पर्यटन क्षेत्रमा आयाम थपिने पर्यटन व्यवसायीहरुले…

hero news full width