तीनदेखि व्यथा– शिशुको हात मात्र बाहिर

rss रासस
फागुन ३०, २०७५

हुम्ला, ३० फागुन । जिल्लाको दक्षिण क्षेत्रमा रहेको सर्केगाड गाउँपालिका वडा नं ८, राहदेवमा तीन दिनदेखि एक महिला सुत्केरी हुन सकेकी छैनन ।

उनका आफन्तले जिल्ला अस्पताल र प्रदेश सरकारलाई उद्धारका लागि आग्रह गरेका छन् । ३० वर्षीया ढल्ली बुढाले शिशु जन्माउन नसकेको र बुधबार राति उसको एउटा हात मात्र निकालिएको छ । महिलाको ज्यानको खतरा रहेकाले हेलिकप्टरको माग गरिएको जिल्ला अस्पतालकी सरिता बोहराले जानकारी दिइन् ।

बुढालाई तीन दिन अगाडिदेखि सुत्केरी व्यथा लागेको भए पनि स्थानीय स्वास्थ्यचौकीले गर्भवती गराउन नसकेकाले उद्धारका लागि प्रदेश सरकारसँग विहीवार बिहान हेलिकप्टरको माग गरिएको बताइएको छ । नेपाल सरकारले सुत्केरी महिलाको उपचारमा प्राथामिकता दिने भनेतापनि गर्भवती महिलाहरुले सुत्केरी हुन नसक्दाको पीडा भोगिरहनु परेको छ ।

उद्धारमा ढिलाइ, आमाको ज्यान बच्यो, शिशुको मृत्यु
अपडेट
हुम्ला, ३० फागुन । तीन दिनदेखि सुत्केरी व्यथा लागेकी महिलाले शिशु बच्चा जन्माउन नसक्दा विहीवार बिहान उनको उद्धार गरिएको छ ।
कर्णाली प्रदेश सरकारले हेलिकप्टर पठाएर ती महिलाको उद्धार गरेको हो । उद्धारमा भएको ढिलाईका कारण स्वास्थ्यकर्मीले आमाको ज्यान बचाउन सफल भएपनि शिशुलाई बचाउन नसकिएको जिल्ला अस्पतालका अनमी सरिता बोहराले बताइन ।

हुम्लाको दक्षिण क्षेत्रस्थित सर्केगाड गाउँपालिका–८ राहदेवका ३० वर्षीय ढली बुढालाई तीन दिनदेखि सुत्केरी व्यथा लागेको थियो । बुधबार राति शिशुको एउटा हातमात्र वाहिर निस्किए पनि उनले शिशु जन्माउन सकिएन ।

विहीवार बिहान मात्र हेलिकप्टरबाट उनको उद्धार गरेर १० बजे जिल्ला अस्पतालमा पु¥याएका थिए । तर ढिलो भइसकेका कारण आमाको ज्यान बचाउन सफल भएपनि शिशुलाई बचाउन नसकेको जिल्ला अस्पतालले जनाएको छ ।

हुम्लालाई राष्ट्रिय सडक सञ्जालसँग नजोडिएकाले ग्रामीण बस्तीका गर्भवतीले बच्चा जन्माउन नसक्दा आमा र शिशुको मृत्युदर यहाँ बढ्दो छ ।

तपाइको विचार व्यक्त गर्नुहोस्

हाम्रो सुझाव

थापालाई उद्योग वाणिज्यको सहयोग

पुल बनेन -सेवाग्राहीलाई सास्ती

शान्ति कोषलाई १३ लाख बढी सहयोग

लेकसाइडमा पूरै अप्रेसन गर्न आईजी खनालको निर्देशन

खुत्रुकेको पैसा आश्रममा

प्रमुख समाचार

प्रधानमन्त्रीको कार्यभार पोखरेललाई

थप प्रमुख समाचार