पोखरा, २३ फागुन। ओमशुस टुर्श एण्ड ट्राभल्सले आनन्दज्योति मावि पोखरामा अध्यनरत विद्यार्थीलाई सहयोग गरेको छ।

ट्राभल्स सञ्चालक ओमप्रकाश सिग्देल र प्रबन्ध निर्देशक सुशीला सिग्देलले विद्यालयको ४६औं वार्षिकोत्सव अवसरमा सो सहयोग गरेका हुन्।

ट्राभल्स प्रबन्ध निर्देशक सुशीला सिग्देल विद्यालयका पूर्व विद्यार्थी पनि हुन्। अध्ययनरत सम्पूर्ण विद्यार्थीलाई विद्यालय पोशाक, शैक्षिक सामग्री र खेलकुद सामग्री सहयोग गरेका हुन्।

आफूले शिक्षा हासिल गरेको विद्यालयमा सहयोग गर्न पाउँदा निकै खुसी लागेको उनले बताइन्। आफूलाई पढाउने शिक्षक टीकाराम पाण्डे र पूर्व प्रधानाध्यापक फणिन्द्रमोहन अधिकारीलाइ सिग्देलले दोसल्ला ओढाएर सम्मानसमेत गरेकी छन्। कार्यक्रममा विद्यालयमा अध्यनरत शिक्षक, विद्यार्थी, अभिभावक, हिमालय फन्र्ट प्याराग्लाइडिङका सञ्चालक उषा रावत लगायत सहभागी थिए।