भूकम्पको पुनःनिर्माण पछि फेरियो ग्रामीण बस्ती

आदर्श समाज संवाददाता
फागुन १२, २०७५
sano kavre (1)


लमजुङ, १२ फागुन । लमजुङमा भूकम्पपछि थालिएको पुनःनिर्माणबाट गाउँवस्तीको स्वरुप फेरिन थालेको छ ।

पुनःनिर्माणका क्रममा अधिकांश घरमा जस्ता पाताको छानाले छाउन थालिएपछि ग्रामीण वस्ती फेरिएको हो ।२०७२ सालको बैशाख १२ गते भूकम्प जानु अघि गाउँमा प्रायः खरले छाएका घर देखिन्थे तर भूकम्पले पुराना घर ढालेपछि वा बस्न लायकको नराखे पछि पुनःनिर्माणका क्रममा बनाइएका घरहरुमा यतिबेला रङ्गीन जस्तापाताको छानाले टल्किन थालेका छन् ।

झट्ट हेर्दा ग्रामीण बस्तीको मुहार फेरिएको देखिए पनि स्थानीय बासिन्दाको आर्थिक अवस्था भने उस्तै रहेको छ । पहिले जमानामा हुने खाने, साहु महाजन,सम्पन्नले मात्र आफ्नो घरको छाना ढुङ्गा वा जस्ता पाताले छाउने गर्दथे दुधपोखरी गाउँपालिका– २ का वडाध्यक्ष गोविन्द दवाडीले बताए । उनका अनुसार निम्नमध्यम वर्ग र मध्यमवर्गका मानिसहरु सबैको घरमा खरको छानो हुन्थ्यो । खरको छाना छाउन सीप भएकोे मान्छेको कमी र खर पनि महंगो हुनुका सथौ गाउँघरमा पनि सडकको पुहँच पुग्न थालेसँगै गाउँको स्वरुप फेरिन थालेको थियो । तर पछिल्लो समयमा भूकम्पपछि गाउँ नै जस्तामय बन्न थालेका छन् दवाडीले भने ।

प्राविधिकले पनि ढुङ्गा र टायलको छाना हाल्दा घर पास नगर्ने भएकाले अधिकांशको रोजाइ रङ्गीन जस्तापाता बन्न गएको छ ।गह्रौँ छानालाई प्राविधिकले अस्वीकार गरेका कारण र हलुका निर्माण सामग्री प्रयोग गर्दा भूकम्पबाट सुरक्षित हुने प्राविधिक सल्लाह अनुसार भूकम्प प्रभावितले हलुका छानोका रूपमा जस्तापाताको प्रयोग भएको दूधपोखरी पाउँपालिकाका अध्यक्ष छुपिमाया गुरुङले बताए । उनका अनुसार लमजुङका हजारभन्दा बढी घरमा जस्तापाताको प्रयोग गरिएको छ ।

भूकम्पले बढी क्षति भएको जिल्लाको साविकको दुधपोखरी, विचौर र कोल्की गाविसमा बनेका अधिकांस घरमा जस्ता पाताको छाना देखिन्छ दूधपोखरी गाउँपालिकाका प्रमुख प्रशासकीय अधिकृृत ध्रु्रव खनालले बताए । उनका अनुसार साविकका विचौर, दुधपोखरी, इलामपोखरी र कोल्कीमा करिब ४ सय ५० घर पुनर्निर्माण भएका छन् । ती सबैमा प्रायः निलो रङ्गका जस्तापाताको छाना लगाइएको छ । ती घर प्रायः त्यस क्षेत्रका कार्यरत गैसस कोपाडेसको सक्रियतामा निर्माण भएका हुन् ।

लमजुङमा भूकम्पपछि पुनर्निर्माण गरिएका घर शतप्रतिशत लाभग्राहीले रङ्गीन जस्तापाताले घर छाउने गरेको जिल्ला समन्वय समिति लमजुङका प्रमुख लोकराज पाण्डेले बताए। जस्तापाताको छाना लगाउँदा घर हलुका हुने मात्र नभई काठको प्रयोगमा कमी र ज्यालामा बचत हुनेगर्दछ ।

Related News

सम्बन्धित समाचार

  • राष्ट्रपतिलाई प्रजातान्त्रिक विकास समाजले दियो बधाई

    आदर्श समाज सम्वाददाता चैत्र ६, २०७९
    पोखरा । सम्माननीय राष्ट्रपति रामचन्द्र पौडेललाई प्रजातान्त्रिक विचार समाजले आज राष्ट्रपति पदमा निर्वाचित हुनुभएको बधाई तथा सफल कार्यकालको शुभकामना दिएको छ…
  • रासायनिक मलमा दिँदै आएको अनुदान यथावत राख्ने सरकारको निर्णय

    आदर्श समाज सम्वाददाता चैत्र ६, २०७९
    पोखरा ।  कृषि तथा पशुपन्छी विकास मन्त्रालयको विषयगत समितिले गरेको निर्णय रोक्दै सरकारले रासायनिक मलमा दिँदै आएको अनुदान यथावत राख्ने…
  • न्यायिक समितिबीच अनुभव साटासाट

    आदर्श समाज सम्वाददाता चैत्र ६, २०७९
    पोखरा । पोखरा महानगरपालिका र घोराही उपमहानगरपालिकाको न्यायिक समितिबीच अनुभव आदानप्रदान गरिएको छ । घोराहीका उपप्रमुख हुमकुमारी डिसीको नेतृत्वमा आएको…
  • ‘गल्याङ नगरपालिका कृषिमा आत्मनिर्भर’

    आदर्श समाज सम्वाददाता चैत्र ६, २०७९
    पोखरा । स्याङ्जाको गल्याङ नगरपालिका आलु र सुन्तला र दूधजन्य वस्तुमा आत्मनिर्भर भएको र गल्याङ नगरपालिकाभित्र उत्पादित वस्तुको बजारीकरणमा कुनै…
  • जिसस महासंघ गण्डकीको सपथ

    आदर्श समाज सम्वाददाता चैत्र ५, २०७९
    पोखरा । जिल्ला समन्वय समिति महासंघको चौथो राष्ट्रिय परिषद बैठकबाट निर्वाचित गण्डकीका पदाधिकारी तथा सदस्यको सपथ ग्रहण आइतबार भएको छ…

hero news full width