पोखरा, ३० पुस। नवौं पोखरा महोत्सवमा कलाकारले दर्शकलाई प्रशस्त मनोरञ्जन दिने गरेका

छन्। सोमबार गायक बद्री पंगेनीको प्रस्तुतिले महोत्सवको माहोल तातेको थियो। पंगेनीसँगै जीवन दाहाल, रामजी पौडेल, पार्वती जिसी, सविना गुरुङ, मीना श्रीष, निश्चल दवाडीको दोहोरी प्रस्तुति रहेको थियो । हास्यब्यङ्ग्यतर्फ पाँडे र जिग्रीले हसाए ।

पर्वत र तनहुँबीच दोहोरीमा पर्वत अघिल्लो चरणमा प्रवेश गर्न सफल भयो। कन्सर्टमा मंकी टेम्पल र प्रश्नको प्रस्तुतिमा युवा झुमेका थिए। मंगलबार कोमल वली, प्रजापति पराजुली, जीवन दाहाल, कुमार पुन, जयकुमार परियार, शिवहरि ढुंगाना, मीना श्रीषमगर, नीशा पोख्रेल, विकास

नेपालीको प्रस्तुति रहनेछ भने बाल कलाकार समीक्षा अधिकारीलाई सम्मान गरिने प्रचारप्रसार संयोजक शान्त थापाले जानकारी दिए।

युनाटेड क्लबको आयोजनामा अमरसिंहचौरमा जारी महोत्सव ८ गतेसम्म चल्नेछ ।