राष्ट्रिय मुद्दामा समझदारीसाथ जाने काँग्रेससँग सहमति : दाहाल

आदर्श समाज सम्वाददाता
पौष २५, २०७५
prachanda-new-1

फाइल फाेटाे ।

चितवन, २४ पुस। नेपाल कम्युनिष्ट पार्टी (नेकपा) अध्यक्ष पुष्पकमल दाहालले नेपाली काँग्रेससँग राष्ट्रिय मुद्दामा समझदारीका साथ जाने सहमति भएको बताएका छन्।

पुनर्निर्माण जिल्ला समन्वय समिति चितवनको बैठकलाई भरतपुरमा मंगलबार सम्बोधन गर्दै उनले विकास निर्माण र पुनर्निर्माणका अभियानमा मिलेर जाने सहमति भएको बताएका हुन्। उनले सोमबार बेलुका सत्ता पक्ष र विपक्षीका नेताहरुको गम्भीर बैठक बसेको समेत जानकारी गराए।

‘तपाईहरु के नठान्नुहोला भने माथि खिचातानी छ कि भन्ने तर त्यसो होइन,’ उनले थपे, ‘राष्ट्रिय मुद्दामा मिलेर काम गनेबारे प्रधानमन्त्रीजीको अध्यक्षतामा शेरबहादुरजी, म लगायत वरिष्ठ नेताहरुको महत्वपूर्ण बैठक बसेर राष्ट्रिय मुद्दामा समझदारीका साथ जाने कुरा भएको छ।’

विकास निर्माण र पुनर्निर्माण अभियानमा सत्ता पक्ष र प्रतिपक्षसँगै रहेको बताउँदै उनले विकास निर्माणमा हामी सबै हातेमालो गरेर अघि बढ्न जरुरी रहेको बताए।

जिल्ला तहमा पनि जनप्रतिनिधि एक ठाउँमा बसेर पुनर्निर्माण र विकासका मुद्दामा छलफल गर्न उनले सुझाव दिए। दाहालले ऐलेनी र वनको जग्गामा रहेका भूकम्प प्रभावितलाई पुनर्निर्माणमा परेको समस्या समाधान गर्न प्रधानमन्त्री समक्ष आग्रह गने बताए।

राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीलले स्थानीय तहसँग समन्वय गरी अघि बढ्नका लागि पुनर्निर्माणका अधिकार स्थानीय तहमा प्रत्यायोजन गर्न लागिएको जानकारी दिए।

दुई वर्षपछि प्राधिकरण नहुने भन्दै उनले यसले हाँसिल गरेका अनुभवलाई स्थानीय तहमा पुर्याउन लागिएको बताए। पुनर्निर्माणको काम स्थानीय तहमार्फत हुँदा दिगो हुने उनको भनाइ थियो।

बैठकमा जिल्लाका सांसद र स्थानीय तहका प्रमुखहरुले पनि सम्बोधन गरेका थिए।

सो अवसरमा जिल्लाका एक महानगरपालिका, चार नगरपालिका र एक गाउँपालिकाका प्रमुख एवं उपप्रमुखसँग राष्ट्रिय पुनर्निर्माण प्राधिकरणका तर्फबाट सम्झौता गरिएको थियो। बैठकमा माडी नगरपाकिलाका प्रतिनिधिको उपस्थिति नभएपछि सम्झौता हुन सकेन। सम्झौतामा स्थानीय तह र प्राधिकरणले गने कामका विषयमा ११ बुँदे समझदारी गरिएको छ।

बैठकमा हालसम्म प्राधिकरणले जिल्लामा गरेका कामका बिषयमा प्राधिकरणका कार्यकारी सदस्य हरिराम पराजुली र जिल्ला आयोजना कार्यान्वयन इकाइ अनुदान व्यवस्थापन तथा स्थानीय पूर्वाधार कार्यालय भरतपुरका आयोजना व्यवस्थापक पुष्करप्रसाद पोख्रेलले प्रकाश पारेका थिए।

२०७२ बैशाखमा गएको भूकम्पले जिल्लाका ७ हजार ३ सय ३५ घरधुरीमा क्षति पुर्याएको थियो। हालसम्म १ हजार ३ सय ६९ घरमात्रै पुनर्निर्माण सम्पन्न भएका छन्।

Related News

सम्बन्धित समाचार

  • असार २६ गते सार्वजनिक बिदा

    रासस असार २२, २०७९
    काठमाडौं । सरकारले यही असार २६ गते आइतबार इस्लाम धर्मावलम्बीहरुको पर्व बकर इद (इद उल अजहा) का दिन सार्वजनिक बिदा…
  • अर्थमन्त्री शर्माले दिए राजिनामा

    रासस असार २२, २०७९
    काठमाडौं । अर्थमन्त्री जनार्दन शर्माले पदबाट राजिनामा दिएका छन् । आज मात्र प्रतिनिधिसभाले आगामी आर्थिक वर्षको बजेट निर्माणका सन्दर्भमा अनधिकृत…
  • कटुस पनि किनेर खान्छन् नेपाली

    रासस असार १७, २०७९
    काठमाडौं । नेपाल कसरी परनिर्भर बन्दै गएका छन् भन्ने एउटा सामान्य उदाहरणका रूपमा लिन सकिन्छ नेपालमा भइरहेको कटुसको आयात ।…
  • सुनिन छाडे असारे भाका

    धनबहादुर गुरुङ असार १७, २०७९
    पोखरा । ‘असार मासको छिपछिपे हिलो, छिः मलाई घीन लायो जेठी र कान्छी नगरे झगडा कान्छीलाई दिम्ला गइरीको खेत, जेठीलाई…
  • कृषिमा आत्मनिर्भर बनाउन प्रदेश सरकार क्रियाशील : मुख्यमन्त्री पोखरेल

    आदर्श समाज सम्वाददाता असार १५, २०७९
    पोखरा  । गण्डकी प्रदेशका मुख्यमन्त्री कृष्णचन्द्र नेपाली पोखरेलले गण्डकी प्रदेश सरकार कृषिलाई आधुनिक एवम् व्यावसायिक बनाउन प्रतिबद्ध रहेको बताएका छन्…

hero news full width