हेमजामा अस्थायी प्रहरी बिट उद्घाटन

मदिरा बिक्रीमा कडाइ आवश्यक : कास्की प्रहरी प्रमुख

आदर्श समाज सम्वाददाता
पौष १३, २०७५
police hemja photo

हेमजा, १२ पुस। पोखरा–२५, हेमजामा बिहीवार अस्थायी प्रहरी बिट उद्घाटन गरिएको छ। कास्कीका प्रहरी प्रमुख प्रहरी उपरीक्षक ओमबहादुर रानाले बिट उद्घाटन गरेका हुन्। सो अवसरमा नागरिक सुनुवाइ समेत भयो।

कार्यक्रममा प्रहरी प्रमुख रानाले अपराध हुनुमा ८० प्रतिशत मदिरा सेवनका कारणले रहेको जनाउँदै मदिरा सेवन र त्यसको बिक्रीवितरण पनि कडाइसाथ सिस्टममा ल्याउनुपर्नेमा जोड दिए। उनले खराब पक्षलाई नियन्त्रणमा लिन नागरिकसँग पनि अधिकार रहेको छ भन्दै प्रहरी र नागरिकको समन्वयबाटै मात्रै समाज सु–व्यवस्थित हुने बताए।

‘हेमजामा भीडभाड बढ्दो छ, बसाइँसराइ गरी स्थायीरुपमा आउनेको क्रम पनि बढ्दो नै छ, तिनै नागरिकको सुरक्षार्थ बिट स्थापना गर्नुपरेको हो, उनले भने।

कानूनभन्दा माथि कोही छैन भन्दै प्रहरी उपरीक्षक रानाले सबै नागरिकलाई सचेत बन्न सुझाव पनि दिए। ‘अब हेमजाका मुख्य चोकहरुमा सिसी क्यामेरा पनि राख्नुपर्दछ, यातायात सुरक्षालाई पनि कडाइसाथ पालना गर्नुपर्दछ, हेराउने चराउनेलाई पनि सचेत पार्नुपर्दछ,’ उनले भने।

उनले कही कतै घटना घटे तत्काल प्रहरीको टोल फ्रि नम्बर १०० मा खबर गर्न सुझाव पनि दिए। आजका बच्चाहरुले मोवाइलको दुरुपयोग गरेका छन्, जसबाट प्रत्येक अभिभावक सचेत हुन आवश्यक रहेको उनको भनाइ छ।

उनले माछापुच्छे« गाउँपालिकाको नयाँपुलमा पनि प्रहरी चौकी स्थापना तयारी भइरहेको जानकारी दिए। हेमजाको चौकीमा ३ जना नेपाल प्रहरी, ३ जना सामुदायिक प्रहरी, १ जना ट्राफिक प्रहरी गरी कुल ७ जना रहने तथा त्यस चौकीले हेमजा र पुरुञ्चौर क्षेत्रमा शान्तिसुरक्षा दिने छन्।

पोखरा २५ का वडाध्यक्ष शोभाकर तिम्सिनाले हेमजामा प्रहरी चौकी आवश्यक छ भनेर आफूले २५ वर्ष अघिदेखि भन्दै आएको स्मरण गर्दै हेमजाका नागरिकको सुरक्षार्थ चौकी फलदायी बन्ने विश्वास व्यक्त गरे। ‘हेमजाको मिलनचोक क्षेत्रमा धेरै वित्तीय संस्था खुलेका छन्, तिनको सुरक्षाका लागि पनि प्रहरी आवश्यक थियो, बल्ल आज त्यो पूरा भयो,’ वडाध्यक्ष तिम्सिनाले भने।

कार्यक्रममा वडा प्रहरी कार्यालय, बगर प्रमुख प्रहरी निरीक्षक दीपक थापाले प्रहरी र नागरिकलाई एक सिक्काका दुई पाटासँग तुलना गर्दै समुदाय प्रहरी साझेदारीबाट मात्रै समाजमा शान्तिसुरक्षा दिन सकिने जनाए। सामुदायिक सेवा केन्द्र जिल्ला समन्वय समिति अध्यक्ष सोमनाथ बास्तोलाले नागरिक सचेत भएमात्रै समाज समृद्घ बन्ने बताए।

कार्यक्रममा हेमजाका स्थानीय धर्मराज बास्तोला, दयाराम बास्तोला, सिर्जना सापकोटा, इन्द्रप्रसाद त्रिपाठी, पोषराज पौडेल, गोपाल गिरी, देवीप्रसाद अधिकारी, अम्बरबहादुर कुँवर, गंगा अधिकारी, मधुसुदन त्रिपाठी, नीलकण्ठ पौडेल, जगन्नाथ त्रिपाठी, तुलाराम पौडेल लगायतले विभिन्न जिज्ञासा राखेका थिए। उनीहरुले प्रहरीले हेमजा क्षेत्रमा हेराउने, चराउने कार्य नियन्त्रण गर्नुपर्ने, छाडा पशुको व्यवस्थापनमा ध्यान दिनुपर्ने, गाँजा, चोरीशिकार नियन्त्रणमा पहल गर्नुपर्ने, महानगर भए बराबरको सुरक्षा दिनुपर्ने लगायतका सुझाव दिएका छन्।

‘हर प्रहर नगरीः टोलटोलमा नेपाल प्रहरी’ मूलनाराका साथ समुदाय प्रहरी साझेदारी कार्यक्रमअन्तर्गत बिट स्थापना गरिएको हो। जिल्ला प्रहरी कार्यालय, कास्की तथा सामुदायिक सेवा केन्द्र, हेमजाको आयोजनामा भएको उक्त कार्यक्रममा पोखरा २५ वडा कार्यालयले सहयोग गरेको थियो।

सामुदायिक सेवा केन्द्र हेमजाका अध्यक्ष विष्णु बास्तोलाको अध्यक्षतामा भएको उक्त कार्यक्रममा सेवा केन्द्रका उपाध्यक्ष घनश्याम तिमिल्सिनाले स्वागत र प्रहरी नायव निरीक्षक होतबहादुर रोकाहाले सञ्चालन गरेका थिए।

Related News

सम्बन्धित समाचार

  • पशु प्रजनन् तालिम

    आदर्श समाज सम्वाददाता असार १६, २०७९
    पोखरा । नेपाल पशु स्वास्थ्य सेवा प्राविधिक संघ (नेल्टा) ले स्वरोजगारका लागि युवालाई पशु प्रजनन् तथा कृत्रिम गर्भाधान तालिम दिएको…
  • मगर सांस्कृतिक संघमा सरिता

    आदर्श समाज सम्वाददाता असार १६, २०७९
    पोखरा । नेपाल मगर सांस्कृतिक संघ, कास्कीको तेस्रो जिल्ला अधिवेशनबाट अध्यक्षमा सरिता सारू मगर पुनःनिर्वाचित भएकी छन् । अधिवेशनबाट उपाध्यक्षमा…
  • पोखरामा विद्यालयस्तरीय नृत्य प्रतियोगिता

    आदर्श समाज सम्वाददाता असार १६, २०७९
    पोखरा । पोखरा महानगरपालिका शिक्षा महाशाखाद्वारा आयोजित विद्यालयस्तरीय एकल नृत्य प्रतियोगिताको दोस्रो चरण जनप्रिय माविमा सम्पन्न भएको छ । प्रतियोगितामा…
  • हेमजामा असारे रोपाइँ महोत्सव

    आदर्श समाज सम्वाददाता असार १६, २०७९
    हेमजा । मानो खाएर मुरी उब्जाउने महिना हो, असार । त्यसैले अचेल कृषक धानखेती लगाउन बिहानदेखि बेलुकासम्म खेतमै व्यस्त हुने…
  • सिर्जनामा विविध क्रियाकलाप

    आदर्श समाज सम्वाददाता असार १५, २०७९
    पोखरा । सिर्जना आवासीय माविमा अतिरिक्त क्रियाकलापअन्तर्गत शुक्रबार युवा रेडक्रस सर्कल सिर्जना आवासीय माविको व्यवस्थापनमा पूर्व प्रावि तहदेखि कक्षा १०…

hero news full width