संगम मावि लुम्लेको वाषिर्कोत्सव

आदर्श समाज सम्वाददाता
पौष ६, २०७५
sangam

हेमजा, ५ पुस।अन्नपूर्ण गाउँपालिका-६, लुम्ले, चन्द्रकोटस्थित संगम माविको ४७ औं वाषिर्कोत्सव, अभिभावक दिवस एवम् पुरस्कार वितरण समारोह बुधवार सम्पन्न भयो।

प्रमुख अतिथि गाउँपालिकाका गाउँ शिक्षा अधिकारी बलराम भुगाईले विद्यार्थी संख्या कम हुँदैमा विद्यालय मर्ज नहुने जनाउँदै मर्जका लागि कम विद्यार्थी भएको र दुर्इ विद्यालयबीच भौगोलिक निकटता हुनुपर्ने बताए।उनले विद्यालयमा कक्षा ११ र १२ स्थापना गरी प्राविधिक शिक्षाको पठनपाठन गराउनुपर्ने आवश्यकता पनि औँल्याए।

वडाध्यक्ष चित्रबहादुर गुरुङले विद्यालयको शैक्षिक सफलताको कामना गर्दै विद्यालय मोदी जलविद्युत्को प्रभावित क्षेत्रमा परेकाले ३ लाख बजेट निकासा भएको जानकारी दिर्दै सोबाट विद्यालय हाता कम्पाउण्ड गर्नुपर्ने जनाए।

सो अवसरमा विद्यालयका आर्थिक समिति संयोजक लक्ष्मण देवकोटा, भूपू शिक्षक एकदेव देवकोटा र भक्तिराम देवकोटा, सिद्घ आधारभूत विद्यालयका प्रधानाध्यापक टंकप्रसाद देवकोटा, फ्यूचर स्टार बोर्र्डि स्कूलका प्रधानाध्यापक शोभा गुरुङ, कक्षा ९ की छात्रा अञ्जु देवकोटा लगायतले पनि भनाइ राखेका थिए।

कार्यक्रमबीच विद्यालय प्रधानाध्यापक हरिमान गुरुङले विद्यालयको समग्र अवस्था समेटिएको प्रतिवेदन प्रस्तुत गरेका थिए।उनले आफूले आर्थिक पारदर्शिता, सामाजिक उत्तरदायित्व, जवाफदेहिता र शैक्षिक गुणस्तरमा मात्र विश्वास गर्ने पनि जनाए।

प्रधानाध्यापक गुरुङले एसर्इइमा सामाजिक शिक्षा विषयमा बढी ग्रेड ल्याउने विद्यार्थीलाई लक्षित गर्दै आफ्ना बुबा ह.लालकाजी गुरुङ र आमा पियारी गुरुङको स्मृतिमा ५० हजार ५ सय ५५ रुपैयाँको अक्षयकोश घोषणा पनि गरेका छन्।

वाषिर्कोत्सवकै अवसरमा वडाध्यक्ष चित्रबहादुर गुरुङबाट विज्ञान प्रयोगशाला, गाउँ शिक्षा अधिकारी बलराम भुगाईबाट पुस्ताकालय, स्रोतव्यक्ति कृष्णबहादुर थापाबाट कम्प्युटर ल्यावको उद्घाटन समेत भयो ।

विद्यालय व्यवस्थापन समिति अध्यक्ष जयबहादुर गुरुङको अध्यक्षतामा भएको उक्त कार्यक्रममा सहायक प्रधानाध्यापक अभिमन्यू पोखरेलले स्वागत तथा संचालन शिक्षक शालिकराम अधिकारीले गरेका थिए।

Related News

सम्बन्धित समाचार

  • विद्यालय जाँदा आउँदा दैनिक ६ घण्टा

    रासस मंसिर १२, २०७९
    बझाङ । दोगडाकेदार गाउँपालिका–१ बैतडीका प्रकाश विष्ट भर्खर किशोरावस्थामा प्रवेश गर्नुभयो । गोरङ घर भएका उहाँलाई विद्यालय जान ‘निल्नु न…
  • चुनावी परिणाम : मुलुक अस्थिरतामा धकेलिने चिन्ता

    आदर्श समाज सम्वाददाता मंसिर १२, २०७९
    पोखरा । प्रतिनिधि सभा तथा प्रदेश सभाको हालै सम्पन्न निर्वाचनको परिणामले दलहरु सम्भावित सत्ताको खेलमा लाग्दा मुलुक अस्थिरतामा धकेलिन सक्ने…
  • संसदमा स्वतन्त्रको निरन्तरता

    रासस मंसिर ११, २०७९
    काठमाडौं । मुलुकका प्रमुख राजनीतिक शक्ति निर्वाचनको परिणाम आफ्नो पक्षमा ल्याउन गठबन्धन गरे तापनि केही निर्वाचन क्षेत्रमा गठबन्धनलाई पछि पार्दै…
  • महिला सहभागितामा समानुपातिककै भर

    धनबहादुर गुरुङ मंसिर ११, २०७९
    पोखरा । गण्डकी प्रदेशसभामा ६० सिट कायम छ । संविधानले व्यवस्था बमोजिम प्रदेश संसदमा ३३ प्रतिशत महिला सहभागिता पुर्‍याउन कम्तीमा…
  • मतदानमा सहभागी हुन मुख्यमन्त्रीको आग्रह

    आदर्श समाज सम्वाददाता मंसिर ३, २०७९
    पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले निर्वाचन आचारसंहिताको पूर्ण पालना गर्दै स्वतन्त्ररुपमा योग्य उम्मेदवारको छनौटका लागि मतदानमा संलग्न…

hero news full width