भुजेल भाषामा पहिलो चलचित्र

Avatar आदर्श समाज सम्वाददाता
मंसिर २८, २०७५

पोखरा, २७ मंसिर । भुजेल भाषा, संस्कार, संस्कृतिमा आधारित रहेर चलचित्र ‘नि-प्हुगाल’ (हामी भुजेल) निर्माण गरिएको छ । फिल्म मंसिर २९ मा पोखराको विन्ध्यवासिनी चलचित्र मन्दिरमा प्रिमियर शो हुनेछ।

भुजेल समाज सेवा समिति, केन्द्रिय समिति र भुजेल चलचित्रकर्मी संघ केन्द्रिय समितिको सक्रियतामा भकारी इभेण्टसको व्यानरमा निर्मित फिल्मले भुजेल जातिको पहिचान सहित भुजेल भेषभुषा, कलासंस्कृति सर्म्बर्द्धन एवं प्रवर्द्धन हुने विश्वास लिएको विहीवार आयोजित पत्रकार सम्मेलनमा भुजेल समाज सेवा समितिको निवर्तमान अध्यक्ष सूर्यबहादुर भुजेलले बताए ।

कृष्ण कुमार गुरुङले निर्देशन गरेको फिल्ममा ६१ जना कलाकारले अभिनय गरेका छन्।

जसमा नायक भिम भुजेल, नायिका पूजा भुजेल सहित सुरज भुजेल, मिनु भुजेल, सचिन भुजेल, कला भुजेल, कमल भुजेल, जुनुमाया भुजेल, रेशम भुजेल लगायतको मुख्य भूमिका छ । फिल्मको कार्यकारी निर्मातामा कमलबहादुर भुजेल र सह-निर्मातामा कोपिला भुजेल रहेका छन्।

पत्रकार सम्मेलनमा बोल्दै निर्माता कमलबहादुर भुजेलले जनचेतनाका लागि फिल्म निर्माण गरिएको बताए। चलचित्र प्रदर्शनपछि संकलित रकम भुजेल जातिकै हितका लागि खर्चिने पनि उनले बताए।

कमल भुजेलको कथा रहेको फिल्मको छायांङ्कन तनहुँको भुजेल बस्ती आदिमुल र पोखराका विभिन्न क्षेत्रमा गरिएको छ। चलचित्रमा ३५ प्रतिशत भुजेल भाषा प्रयोग गरिएको छ ।

हाम्रो सुझाव

लायन्स आर्दश चौतारी द्वारा वृक्षारोपण

गायिका थापा सम्मानित

शान्तिदर्शन टोलले गर्यो सम्मान

फुसेर्खोला कोरिडोर सडक उद्घाटन

प्रमुख समाचार

रानीमहलको जग्गा व्यक्तिका नाममा

थप प्रमुख समाचार