अपाङ्गता भएकालाई कोरियाको सहयोग

Avatar आदर्श समाज सम्वाददाता
मंसिर २७, २०७५

लेखनाथ, २६ मङ्सिर। नेत्रहिन तथा शारिरिक अपाङ्गता भएका ब्यक्तिको आय आर्जनमा सहयोग पुग्नेगरी कोरियाली अपाङ्ता संस्था सिलोन सेन्टर फर द ब्लाइण्डले बाख्रापालनका लागि सहयोग गरेको छ ।

कास्कीको लेखनाथमा आयोजित एक कार्यक्रमबीच सहयोगी संस्थाका निर्देशक चोर्इ डीन सीले नेत्रहिन संघ कास्कीका अध्यक्ष लक्ष्मण सुवेदी र राष्ट्रिय शारिरिक अपाङ्ग संघ कास्कीका अध्यक्ष दामोदर रेग्मीलाई सहयोग स्वरूप रु ७ लाख ३६ हजारको चेक हस्तान्तरण गरेका हुन् ।

आपाङ्गता भएका ब्यक्तिको आय-आर्जनमा थप सहयोग पुग्नेगरी नेत्रहिन संघका २० जना र राष्ट्रिय शारिरिक अपाङ्ग संघका २० जनालाई वाख्रापालन तालिमसहित २० हजार सहोयग गरेको हो ।

कार्यक्रममा बोल्दै सहयोगी संस्थाका निर्देशक सीले आर्थिक अभावमा कोही कसैले पनि कष्टकर जीवन बिताउन नपरोस भन्दै आफनो क्षमताअनुसार स्वरोजगार बनेर सुखमय जीवन बिताउनुपर्नेमा जोड दिए ।

सोहीअवसरमा गण्डकी प्रदेशका भूमी ब्यवस्थापन, कृषि तथा सहकारी मन्त्री लेखबहादुर थापाले गण्डकी प्रदेशलाई कृषि र पर्यटनको माध्यमबाट अगाडि बढाउने लक्ष्यअनुसार अब छिट्टै सहकारी ऐन पारित गरिने बताए । सहकारीको माध्यमबाट नयाँ भुःउपयोगको नीतिमार्फत कोहीपनि बेरोजगार हुन नपर्ने गरी सरकारले काम गर्न लागेको बताए ।

उत्पादकत्व बृद्धिका लागि कृषि क्षेत्रमा लगानी बढाउँदै तरकारी र पशुजन्य उत्पादनबाट गण्डकी प्रदेशलाई कसरी आत्मनिर्भर बनाउन सकिन्छ भन्नेबारे सरकार चिन्तनशील भएको बिचार राखे ।

हाम्रो सुझाव

महानगर होर्डिङ बोर्ड हटाउँदै

गोरखापत्र बाजेको स्मृतिमा एक लाखको अक्षयकोष

महिला उद्यमशीलमा सांसदको भत्ता

स्वर्ण विवाह उत्सवमा आश्रमलाई सहयोग

प्रमुख समाचार

महानगर होर्डिङ बोर्ड हटाउँदै

थप प्रमुख समाचार

महानगर होर्डिङ बोर्ड हटाउँदै

पाइलट सहित दुई घाइते