पोखरा, २५ मंसिर। वेगनासतालमा सञ्चालित श्रीमद्भागवत् विराट ज्ञानमहायज्ञमा मंगलबारसम्म ३३ लाख रुपैयाँ संकलन भएको छ।

अघिल्लो दिन एक लाख दान गरी महायज्ञमा सहभागी बमबहादुर गुरुङले उत्साहित भई फेरि दोस्रो दिन एक लाख थप गरी दुर्इ लाख पुर्‍याएका छन्।

यसैगरी बाबुराम रानाभाटले एक लाख एक हजार एक सय ११, मैया/गणेश अधिकारीले एक लाख, विष्णुप्रसाद तिवारीले एक लाख, लेखनाथ होटल एशोसिएसनले ६५ हजार पाँच सय ५५, जानुकादेवी लामिछाने र नरहरि सुवेदीले जनही ५५ हजार पाँच सय ५५ दान गरेका छन्।

साथै शालिकराम गौतमबाट ५१ हजार एक सय पाँच, देवीप्रसाद ढकालबाट ५० हजार पाँच सय ५०, बाबुराम गिरीबाट २० हजार एक सय ११ दान प्राप्त भएको महासचिव धु्रवनाथ अधिकारीले जानकारी दिए।

गण्डकी प्रदेश प्रहरी प्रमुख दानसिंह बोहराको प्रमुख आतिथ्य रहेको मंगलबारको कार्यक्रममा भक्तजनको उल्लेखनीय सहभागिता थियो। महायज्ञ मंसिर २९ गतेसम्म सञ्चालन हुनेछ।