स्वतन्त्रद्वारा अग्रज पत्रकार पराजुलीको सम्मान

पत्रकार सत्तामुखी हुनु दुर्भाग्य : पराजुली

Avatar आदर्श समाज सम्वाददाता
मंसिर १८, २०७५

पोखरा, १७ मंसिर।पोखराका पहिलो पत्रकार केशवराज पराजुलीको ८४ औं वर्ष प्रवेशको अवसरमा स्वतन्त्र पत्रकार संघ नेपालले शुभकामना कार्यक्रम आयोजना गर्‍यो।

पोखरा-३ नदीपुरस्थित निवासमा सोमवार आयोजित उक्त कार्यक्रममा अग्रज पत्रकार पराजुलीलाई दोसल्ला र मालाले सम्मान गरिनुका साथै उनले पत्रकारिता क्षेत्रमा पुर्‍याएको योगदानको चर्चा गरिएको थियो।

त्यस अवसरमा पत्रकार पराजुलीले स्वतन्त्र पत्रकार संघले सम्मान गरेकोमा खुसी प्रकट गर्दै पत्रकारहरु जनतामुखी हुनुपर्ने बताए। साथै उनले संघलाई मजवुत बनाएर अघि बढाउनु पर्नेमा जोड दिए।

‘अहिले धेरै पत्रकारहरू सत्तामुखी भएका छन्।’ उनले भने – यो देशका लागि दुर्भाग्य हो।

पत्रकारहरू आवाजविहीनको आवाज बन्नुपर्ने उल्लेख गर्दै उनले सत्ताधारीको गुणगान गर्नु पीत पत्रकारिता भएको बताए।

स्वतन्त्र पत्रकार संघ नेपालका राष्ट्रिय अध्यक्ष कृष्णप्रसाद बास्तोलाको अध्यक्षतामा भएको उक्त कार्यक्रममा संघका केन्द्रीय सल्लाहकार भूपनिधि पन्त, वरिष्ठ उपाध्यक्ष उदयबहादुर अमात्य, वरिष्ठ फोटोग्राफर विश्व शाक्य, अग्रज पत्रकार केशवराज पराजुली, स्वतन्त्र पत्रकार संघ नेपाल गण्डकी प्रदेश संयोजक दीननाथ बराल, कास्की शाखाका अध्यक्ष कृष्ण थापा, आदर्श समाज राष्ट्रिय दैनिकका व्यवस्थापक दुर्गादेवी बास्तोलाले शुभकामना व्यक्त गरेका थिए।

Comments on स्वतन्त्रद्वारा अग्रज पत्रकार पराजुलीको सम्मान

हाम्रो सुझाव

विकासका लागि सुशासन

जगत्गुरुको नागरिक अभिनन्दन तयारी अन्तिम चरणमा

रामबजारमा आकस्मिक रक्तदान

पूर्व प्रधानमन्त्री कोइरालाको नवौं स्मृति दिवस

प्रमुख समाचार

हिउँ पन्छाउन नेताहरू बीच होड

थप प्रमुख समाचार

हिउँ पन्छाउन नेताहरू बीच होड

सबै परीक्षा केन्द्रमा सेनेटरी प्याड