‘गौरीशंकर क्याम्पस हेमजाकै गहना’

आदर्श समाज सम्वाददाता
मंसिर ९, २०७५
gauri_Fotor

हेमजा, ८ मंसिर। गौरीशंकर बहुमुखी क्याम्पस हेमजाकै गहना भएको सरोकारवालाको ठहर छ ।    क्याम्पसले शनिवार आयोजना गरेको क्याम्पस संचालनका चुनौती तथा समाधानविषयक अन्तरक्रियाका वक्ताहरुले त्यस्तो ठहर गरेका हुन् ।

वडाध्यक्ष शोभाकर तिम्सिनाले आफूहरुले खाईनखाई गरी क्याम्पस स्थापना गरेको स्मरण गर्दै कुनै पनि बहानामा क्याम्पस बन्द हुने परिस्थति आउन दिन नहुने औँल्याए। अध्यक्ष तिम्सिनाले विद्यार्थी संख्या कम हुँदै जानु क्याम्पसको लागि समस्या भएको जनाउँदै विद्यार्थी आकर्षणका लागि गुणस्तरीय शिक्षा हुनुपर्नेमा जोड दिए।

वडा क्याम्पसको यातायात व्यवस्थापन लगायत अन्य क्षेत्रमा सहयोग गर्न तयार रहेको जनाउँदै वडाध्यक्ष तिम्सिनाले क्याम्पस वडाको इज्जत भएकाले दाग लाग्ने काम हुन नदिन वडा चनाखो रहेको स्पष्ट पारे।

क्याम्पस संचालक समिति अध्यक्ष भुवनेश्वर शर्मा पौडेलले सबैको प्रयास क्याम्पसको स्थायित्वतर्फ हुनुपर्ने जनाए।

पूर्व अध्यक्ष रामचन्द्र त्रिपाठीले अबको समयमा शैक्षिक योजना निर्माण गरी क्याम्पस संचालन गर्नुपर्ने भन्दै समस्या समाधानका लागि विज्ञ समूह गठन गर्न सुझाव दिए। साथै प्राविधिक शिक्षातर्फ उनको जोड थियो।

पोखरा महानगरपालिका शिक्षा महाशाखाका विद्यालय निरीक्षक वसन्तराज पौडेलले सरोकारवालाको समन्वयबाट मात्रै क्याम्पसले दिगोपन पाउने बताए ।

संचालक समिति उपाध्यक्ष मधुसुदन त्रिपाठीले हेमजामा उच्च शिक्षाका लागि क्याम्पस आवश्यक छ वा छैन भन्ने विषयमा अब हेमजावासीले गहिरो चिन्तन गर्नुपर्ने बेला आएको बताए।

क्याम्पस प्रमुख ओम कुँवरले क्याम्पसको शैक्षिक अवस्थाबारे अवगत गराएका थिए।उनले क्याम्पसका केही सवल पक्ष भए पनि संचालनमा वाषिर्क ६ लाख हाराहारीमा घाटा हुनु, विद्यार्थी संख्या घट्दै जानु, यातायातको सहज प्रबन्ध नहुनु जस्ता पक्ष चुनौतीको रुपमा रहेको जनाए।

उक्त कार्यक्रममा पूर्व सदस्य भानुभक्त शर्मा पौडेल, सदस्य देवकृष्ण पौडेल, सहायक प्राध्यापक राजाराम पोखरेल, समाजसेवी माधवशरण बास्तोला, शिक्षाप्रेमी नेत्रपाणि भण्डारी, संचालक समिति सदस्य चूडामणि तिम्सिना, ज्येष्ठ नागरिक समाज हेमजाका अध्यक्ष नीलकण्ठ पौडेल, विद्यार्थी भीमप्रसाद भण्डारी लगायतले धारणा राखेका थिए।

उनीहरुले क्याम्पसमा विद्यार्थी आकर्षणको विषय पढाउनुपर्ने, वडाले क्याम्पस संचालनमा थप सहयोग गर्नुपर्ने, माछापुच्छे्र र अन्नपूर्ण गाउँपालिकाका सेवाक्षेत्रमा पनि छलफल चलाउनुपर्ने, क्याम्पसको पठनपाठन कार्यलाई विद्यार्थीको आवश्यकतासँग जोड्नुपर्ने, छिमेकी विद्यालयसँग थप समन्वय गर्नुपर्ने, यातायातको सहज प्रबन्ध गराउनुपर्ने, क्याम्पसले प्रचारप्रसारमा पनि जोड दिनुपर्ने लगायतका सुझाव दिए।

क्याम्पस संचालक समिति अध्यक्ष पौडेलको अध्यक्षतामा भएको कार्यक्रममा क्याम्पस प्रमुख कुँवरले स्वागत मन्तव्य राखेका थिए भने । सह-प्राध्यापक कृष्णप्रसाद पौडेलले कार्यक्रम औचित्यबारे प्रकाश पार्नुका साथै संचालन गरेका थिए।

Related News

सम्बन्धित समाचार

  • कर्मचारी युनियन हिमालय आँखा अस्पतालमा प्रेमकुमार

    आदर्श समाज सम्वाददाता मंसिर १०, २०७९
    पोखरा । नेपाल स्वास्थ्यकर्मी तथा कर्मचारी युनियन हिमालय आँखा अस्पताल पोखरा अध्यक्षमा प्रेमकुमार नकर्मी निर्वाचित भएका छन् । युनियनको शनिबार साताै…
  • पोखरामा रैथाने भोजन सप्ताह

    आदर्श समाज सम्वाददाता मंसिर ९, २०७९
    पोखरा । पोखरामा ‘रैथाने भोजन सप्ताह अनि मःम जात्रा’ हुने भएको छ । नेपासा भोजनले मंसिर १० देखि रैथाने खानाको…
  • क्होइबों बनाउन १० लाख सहयोग

    आदर्श समाज सम्वाददाता मंसिर ७, २०७९
    पोखरा । घान्द्रुकमा निर्माण हुन लागेको क्होइबों धिंका लागि घान्द्रुक समाज हङकङले आर्थिक सहयोग गरेको छ । समाजले मंगलबार घान्द्रुक…
  • पोखरा विमानस्थल : ग्राउण्ड ह्याण्डलिङ माग्यो निगमले

    आदर्श समाज सम्वाददाता मंसिर ७, २०७९
    पोखरा । राष्ट्रिय ध्वजाबाहक नेपाल वायुसेवा निगम (नेपाल एयरलाइन्स) ले पोखरा क्षेत्रीय अन्तर्राष्ट्रिय विमानस्थलको भूमिस्थ सेवा ‘ग्राउन्ड ह्यान्डलिङ’ निगमलाई प्रदान…
  • जन्मदिनमा वृद्धाश्रममा खाद्यान्न वितरण

    आदर्श समाज सम्वाददाता मंसिर ६, २०७९
    पोखरा । हङकङलाई कर्मथलो बनाएका देवचन्द्र गुरुङ र सावित्री गुरुङले आफ्नो छोरा सम्राट गुरुङको १० औं जन्मदिनका अवसरमा पोखरा वृद्धाश्रमलाई…

hero news full width

Recent Posts

भर्खरै

trending post

ट्रेन्डिङ्ग