कुँवर टोलको आयोजनामा कौशी खेती तालिम

Avatar आदर्श समाज सम्वाददाता
मंसिर ९, २०७५

पोखरा, ८ मंसिर। कुँवर टोल विकास संस्था पोखरा ८ को आयोजना तथा कारितास नेपाल फिल्ड कार्यालय कास्कीको आर्थिक सहयोगमा कौशी खेती तालिम भएको छ।

तालिम उद्घाटन गर्दै वडाध्यक्ष रुद्रनाथ बरालले शहरी क्षेत्रमा बसाइँको चाप धेरै भएकोले भान्साबाट निस्कने फोहर व्यवस्थापन गर्न यस खालका तालिमले सहयोग पुर्‍याउने बताए।

वडासदस्य कृष्णमान ठुसाजुले आफूले पाउने मासिक भत्तामा रकम थप गरी मासिक १० हजार रुपैयाँ विभिन्न लक्षित वर्गका कार्यक्रममा अक्षयकोष स्थापना गर्ने घोषणा गरे। उनले यसअघि ५ सामाजिक संस्थामा अक्षयकोष स्थापना गरेको समेत जानकारी दिए।

लायन्स क्लब अफ पोखरा पिस टाउनको समन्वयमा भएको कार्यक्रममा कारितास नेपालका फिल्ड कार्यालय प्रमुख शोभा आचार्य, लायन्स क्लब अफ पोखरा पिस टाउनका अध्यक्ष डा वीनिता कोइरालाले बोलेका थिए।

कुँवर टोल विकास संस्थाकी अध्यक्ष पार्वती पौडेलको अध्यक्षतामा भएको कार्यक्रममा कोषाध्यक्ष एकता केसीले स्वागत र सचिव राजकुमार श्रेष्ठले संचालन गरेका थिए।

एक दिने सो तालिममा सहभागी ४० जनालाई एक एक थान माछाको कार्टुन र हरेक कौशीवालालाई उपयोग हुने बीउ वितरण गरिएको थियो।

तपाइको विचार व्यक्त गर्नुहोस्

हाम्रो सुझाव

सेवाग्राहीलाई सजिलो सहायता कक्ष

शिशु निकेतनमा उत्प्रेरणा तालिम

दलित मानसिकता तोड

प्रमुख समाचार

टीभीएस अपाचे पोखरा स्पोर्टस् अवार्ड मनोनयन सार्वजनिक