ब्याडमिन्टन कोर्टमै शाक्यको मृत्यु

Avatar आदर्श समाज सम्वाददाता
कार्तिक ३०, २०७५

पोखरा, २९ कात्तिक । पोखरामा ब्याण्डमिन्टन खेल्दाखेल्दै कोर्टमै एकजनाको मृत्यु भएको छ । मृत्यु हुनेमा पोखरा-३, नदीपुर बस्ने ६२ वर्षीय झलकमान शाक्य हुन् ।

नदीपुरस्थित शाक्य समाजको कोर्टमा ब्याण्डमिन्टन खेल्नेक्रममा विहीवार बिहान ८ बजे हृदयघातका कारण उनको मृत्यु भएको छिमेकी निर्मल सापकोटाले जानकारी दिए । दुर्इ खेल खेलेर आराम गर्ने क्रममा उनलाई हृदयघात भएको हो ।

शाक्यको विगतमा स्वास्थ्य समस्या देखिएको र चिकित्सकले समेत खेल नखेल्न सुझाव दिँदा दिँदै पनि उनी ब्याण्डमिन्टमा रुचि राख्थे । पहिलेदेखि नै शाक्य उक्त कोर्टमा ब्याडमिन्टनका लागि साथीभाइ बटुलेर निकै रुचिपूर्वक ब्याडमिन्टन खेल्ने गरेको सापकोटा सम्झन्छन् ।

स्वर्गीय शाक्यको विहीवार नै सेतीनदी किनार गाईघाटमा अन्त्येष्टि गरिएको छ । स्वर्गीय शाक्यको परिवारमा श्रीमती, १ छोरा, १ छोरी, १ नातिनी छन् ।

कृषि विकास बैंकका पूर्व कर्मचारी शाक्यले विगतमा नदीपुरमै मसला उद्योग चलाउँथे । पछिल्लो समय उनको घरमै करुणा खाद्य उद्योग संचालित छ ।

तपाइको विचार व्यक्त गर्नुहोस्

हाम्रो सुझाव

सेवाग्राहीलाई सजिलो सहायता कक्ष

शिशु निकेतनमा उत्प्रेरणा तालिम

दलित मानसिकता तोड

प्रमुख समाचार

दुई परिवारका नौ जनाको विभत्स हत्या

थप प्रमुख समाचार