बाल यौनशोषणविरुद्व हस्ताक्षर संकलन

आदर्श समाज सम्वाददाता
कार्तिक २८, २०७५

पोखरा, २७ कात्तिक । व्यावसायिक रुपमा हुने बाल यौनशोषणविरुद्व पोखरामा मंगलबारदेखि हस्ताक्षर संकलन अभियान शुरु भएको छ ।

शक्ति समूह पोखराले एक हजार एक सय बढी हस्ताक्षर संकलन गर्ने लक्ष्य सहित अभियान शुरु गरेको हो ।

संकलित हस्ताक्षर गण्डकी प्रदेश सरकारका मुख्य मन्त्रीलाई बुझाइने शक्ति समूह कास्कीकी संयोजक मीला श्रेष्ठले जानकारी दिइन् ।

विभिन्न स्थानमा सरोकारवालासँग कार्यक्रम गरी हस्ताक्षर संकलन गरिने उनको भनाइ छ ।

सो अभियानअन्तर्गत संकलित हस्ताक्षरले मनोरञ्जन क्षेत्रका विभिन्न व्यवसायमा कार्यरत कर्मचारीहरुको नियुक्ति तथा परिचयपत्र व्यवस्थापन, पर्यटन व्यवसायको आचारसंहितामा बालबालिकाको संरक्षणका लागि निम्ति व्यवस्था गरिएका नीति-नियम कार्यान्वयन र मनोरञ्जन क्षेत्रलाई व्यवस्थित गरी मर्यादित बनाउन सरोकारवाला र सरकारको ध्यानाकर्षण गराउने अपेक्षा गरिएको छ । बुधबार होटल व्यवसायीसँग छलफल गरी अभियानबारे जानकारी दिने कार्यक्रम तय गरिएको छ ।

शक्ति समूहले पोखरामा व्यावसायिक यौनशोषण तथा श्रमशोषणमा परेका तथा जोखिममा रहेका महिला तथा बालबालिकाहरुको अधिकार सुनिश्चितताको लागि मंगलबार सरोकारवालाको भूमिका सम्बन्धमा समन्वय बैठक पनि गरेको छ ।

बैठकमा शिक्षा विकास तथा समन्वय इकाइ कास्कीका प्रमुख नारायणप्रसाद सुवेदी, गैरसरकारी संस्था महासंघ कास्कीका अध्यक्ष पदमराज पहारी, इन्सेक पश्चिमाञ्चल प्रमुख शिव खकुरेल, नौलो घुम्ती नेपालका रामशरण सेर्ढाई, शक्ति समूह कास्कीकी पूर्व अध्यक्ष सुनिता दनुवार, सिविनका सुजाता कोइराला र पोखरा उद्योग वाणिज्य संघकी सरिता ताम्राकारले बोलेका थिए ।

Related News

सम्बन्धित समाचार

  • दसैँँका लागि घर सजाउँदै

    रासस असाेज १४, २०७९
    दोधारा चाँदनी । यतिबेला कञ्चनपुरका थारु समुदायका महिलाहरु दसैँँका लागि घर सजाउन व्यस्त छन् । अहिले घर चिटिक्क पार्ने, आँगन…
  • पत्रकार आचार्य र जोशी सम्मानित

    आदर्श समाज सम्वाददाता असाेज १३, २०७९
    नेपालगञ्ज । हरिजमुना स्वतन्त्र पत्रकारिता पुरस्कार पत्रकार रामप्रसाद आचार्यलाई प्रदान गरिएको छ । त्यस्तै, सिर्जनशील पत्रकारिता पुरस्कार निशु जोशीलाई प्रदान…
  • सृजना विकास केन्द्रमा कृष्ण थापा

    आदर्श समाज सम्वाददाता असाेज १२, २०७९
    पोखरा । सृजना विकास केन्द्रको ४५ औं साधारण सभाले अध्यक्षमा कृष्णबहादुर थापालाई निर्वाचित गरेको छ । अध्यक्षका प्रत्यासी चन्द्र गिरिलाई पराजित…
  • कर फिर्ताको निर्णयमा गण्डकी कांग्रेसको स्वागत

    आदर्श समाज सम्वाददाता असाेज ९, २०७९
    पोखरा । नागरिकको मागलाई सम्बोधन गर्दै गण्डकी प्रदेश सरकारले करका दर समायोजन गरेकामा नेपाली कांग्रेस गण्डकीले स्वागत गरेको छ ।…
  • व्याकुल माइलालाई  मासिक ५० हजार, सत्यमोहनलाई एक नर्स

    आदर्श समाज सम्वाददाता असाेज ९, २०७९
    पोखरा ।  सरकारले राष्ट्रिय गानका रचयिता प्रदीपकुमार राई (व्याकुल माइला) लाई सहज जीवन यापनको लागि मासिक ५० हजार रुपैयाँ उपलब्ध…

hero news full width