Worldlink ads

अपाङ्गता सरोकार समितिद्वारा बीउँ पुँजी वितरण

आदर्श समाज सम्वाददाता
श्रावण २७, २०७५
Apangata sarokar

पोखरा, २६ साउन। वडास्तरीय अपाङ्गता सरोकार समिति पोखरा-८ ले वडाभित्रका अपाङ्गता भएका पाँच जनालाई बीउँ पुँजी वितरण गरेको छ।

श्रीराम आधारभूत विद्यालयमा आयोजित कार्यक्रममा समितिले कृष्ण कुँवर, कृष्ण थापा, सरिता सुवेदीलाई जनही १० हजार र मङ्गलसिंह गुरुङ र जीवन गिरीलाई ५ हजार ५ सय रुपैयाँ सहित जोख्ने मेशिन हस्तान्तरण गरेको हो। उनीहरुको आयआर्जनमा सहयोग पुर्‍याउने उद्देश्यले सहयोग गरिएको बताइएको छ।

गण्डकी प्रदेशका सांसद विन्दुकुमार थापा, वडाध्यक्ष रुद्रनाथ बराल, सदस्य कृष्णमान ठुसाजु र पुष्पराज सिग्देल लगायतले वितरण गरेका थिए। कार्यक्रममा वडाभित्रका अपाङ्गता भएकाहरुको सहयोगका लागि स्थापना गर्न लागिएको अक्षयकोषमा ७७ हजार १ सय रुपैयाँ संकलन भएको छ।

अक्षयकोषका लागि सांसद थापाले २० हजार, कृष्ण ठुसाजु, रोजिना जोशी, पुष्पराज सिग्देल र कृष्णबहादुर कुँवरले जनही १० हजार, सिविआरएस संस्था र श्रवणलाल जोशीले जनही हजार रुपैयाँ प्रदान गरेका छन्।

त्यस्तै, विष्णु सिग्देल, सरिता सुवेदी, जीवन गिरी, मंगलसिंह गुरुङ र कृष्ण थापाले जनही २ हजार र लक्ष्मी कौशलले १ हजार १ सय रुपैयाँ प्रदान गरेका छन्।

कार्यक्रममा वडासदस्य कृष्णमान ठुसाजुले वडाबाट पाउने पारिश्रमिकबाट वर्षेनी १० हजार रुपैयाँ अक्षयकोषका लागि उपलब्ध गराउने प्रतिवद्वता व्यक्त गरे।

कार्यक्रममा सांसद थापाले अपाङ्गता भएकाहरुलाई सहायक सामग्री लगायत आर्थिक सहयोग उपलब्ध गराउने प्रतिबद्वता व्यक्त गरे। उनले अपाङ्गताका सवाललाई प्रदेशसभामा उठाउने उल्लेख गरे।

त्यस अवसरमा वडाध्यक्ष रुद्रनाथ बराल, वडासदस्य लक्ष्मी कौशल, पुष्पराज सिग्देल, सरोकार समितिका संस्थापक अध्यक्ष विष्णु सिग्देल, टोल विकास समन्वय समितिका अध्यक्ष शारदा गिरी, नेपाली काँग्रेस पोखरा-८ का सभापति सुभाष सिग्देल, जनप्रिय टोल विकास संस्थाका अध्यक्ष श्रवणलाल जोशी, नेपाल रेडक्रस सोसाइटी कास्कीकी शर्मिला धमला र सिबिआरएस प्रतिनिधि गोविन्द पौडेलले बोलेका थिए।

संस्था सभापति प्रमिला श्रेष्ठ जोशीको अध्यक्षतामा भएको कार्यक्रममा सचिव सरिता सुवेदीले स्वागत र सल्लाहकार शंकर बास्तोलाले संचालन गरेका थिए।

Related News

सम्बन्धित समाचार

    • पोखरा बहुमुखीको वार्षिकोत्सव

      आदर्श समाज सम्वाददाता मंसिर १३, २०७८
      पोखरा । पोखराको नयाँबजारस्थित पोखरा बहुमुखी क्याम्पसले ३५ औं वार्षिकोत्सवको अवसरमा सप्ताहव्यापी कार्यक्रम गरेको छ । कार्यक्रम अन्तर्गत आइतबार भएको…
    • माघ १३ देखि लेखनाथ महोत्सव हुने

      आदर्श समाज सम्वाददाता मंसिर १३, २०७८
      लेखनाथ । लेखनाथ उद्योग वाणिज्य संघको आयोजनामा विगत १८ वर्षदेखि कास्कीको लेखनाथमा हुँदै आएको लेखनाथ महोत्सवको १७ औं संस्करण आगामी…
    • जेसिजको प्रशिक्षक प्रशिक्षण सुरु

      आदर्श समाज सम्वाददाता मंसिर १२, २०७८
      लमजुङ । जेसिजको तीनदिने राष्ट्रिय प्रशिक्षक प्रशिक्षण यहाँ सुरु भएको छ । प्रशिक्षणमा मुलुकका विभिन्न जिल्लाबाट ५१ जना सहभागी भएका…
    • गोपाल सेवा केन्द्रको सभा

      आदर्श समाज सम्वाददाता मंसिर १२, २०७८
      पोखरा । गोपाल सेवा केन्द्र जगतगुरु आश्रम पोखरा १८ लक्ष्मीधाराको सातौ वार्षिक साधारण सभा शनिबार भएको छ । सभाको जलस्रोत…
    • गीता शान्तिमार्ग महिला समूहमा शान्ति

      आदर्श समाज सम्वाददाता मंसिर १२, २०७८
      पोखरा । पोखरा १०, रामघाटस्थित गीताशान्ति मार्ग महिला समूहको १० आंै साधारण सभा तथा पाँचौं अधिवेशनबाट शान्ति सुवेदी अध्यक्षमा चयन…

    hero news full width

    sanil ads

    wordlink ads

    trending post

    ट्रेन्डिङ्ग