Worldlink ads

भत्काइयो पालिखेचोकका घर

आदर्श समाज सम्वाददाता
श्रावण १८, २०७५
palikhe

पोखरा, १७ साउन। पोखराको पालिखेचोकमा रहेका मापदण्डभित्रका घर भत्काउन थालिएको छ। पोखरा वडा ४ का वडाध्यक्ष शंकरप्रसाद बास्तोलाको संयोजकत्वमा गठित समितिले सबै समस्या समाधान गरेर घर भत्काएको हो।

पोखरामा जनप्रतिनिधि निर्वाचित भएपछि पहिलो नगरसभामै अनौपचारिक छलफल भएको थियो। त्यसपछिको कार्यपालिका बैठकले बास्तोलालाई संयोजक तोकेर काम अघि बढाइएको हो। बिहीबार वसन्त उदास, मिश्री उदास र दुधमान उदासको संयुक्त नाममा रहेको दुर्इतले कच्ची घरमा डोजर लगाइएको छ। १५ दिनअघि नै मुआब्जा टुंगाएर घरधनीलाई मुआब्जा लिन सूचना जारी भएको थियो। तोकिएको मितिभित्र २ जनाले मुआब्जा बुझेका र २ जनाले निवेदन दिएका वडाध्यक्ष बास्तोलाले बताए। उनका अनुसार विहीवार भत्काइएको घरधनी र प्रदीपशंकर पालिखेले आफ्नो जग्गा र घरको मुआब्जा बुझिसकेका छन्। किशोरादेवी श्रेष्ठ र कृष्णमान श्रेष्ठले मुआब्जा बुझ्नका लागि निवदेन दिएका छन्।

‘प्राविधिक कारणले दुर्इजनाले ढिलो गरी मुआब्जा बुझ्ने निवेदन दिनुभयो। मुआब्जा बुझिसकेकाको घर पहिलो चरणमा भत्काइएको हो,’ बास्तोला भन्छन्, ‘अब मुआब्जामा समस्या छैन। भत्काउने क्रम शुरु भैसकेको छ। मुआब्जा दिएपछि बाँकी घर हप्तादिनभित्रै भत्काउछौं।’ बाँकी घरधनीसँग पनि निरन्तर सर्म्पर्क भैरहेको उनको भनाइ छ।

चार दशक अघिदेखिको प्रयास अहिले सफल भएको हो। मापदण्डभित्र रहेका घर र जग्गाको मुआब्जा तत्कालीन प्रमुख जिल्ला अधिकारी तारानाथ अधिकारी संयोजकत्वको मुआब्जा निर्धारण समितिले टुंगाएको हो।

सोही निर्णयका आधारमा महानगरले जग्गाधनीलाई मुआब्जा दिएको थियो। उदास परिवारले ७६ लाख १६ हजार रुपैयाँ मुआब्जा पाएका छन् भने पालिखेले ४४ लाख ६२ हजार रुपैयाँ मुआब्जा बुझेका छन्। यस्तै किशोरीदेवी श्रेष्ठ र कृष्णमान श्रेष्ठको घर पनि भत्काउन मुआब्जा निर्धारण भइसकेको छ। किशोरीदेवीले ७३ लाख १६ हजार र कृष्णमानले ६६ लाख ९६ हजार रुपैयाँ मुआब्जा बुझ्न सहमति जनाइसकेका छन्। घर भत्काएपछि पालिखेचोक फराकिलो हुनेछ। निकै साँघुरो भएका कारण पालिखेचोकमा लामो समयसम्म गाडी जाममा पर्छन्। पालिखेचोकको १ सय ९९ वर्गमिटर जग्गा अध्रि्रहण गरिएको छ। प्रति वर्गमिटर १ लाख २० हजारको दरले मुआब्जा तोकिएको हो। ४ दशकअघि नै तत्कालीन अञ्चलाधीश शंकर पाठकले पनि ती घर भत्काएर सडक फराकिलो बनाउने प्रयास गरेका जानकार बताउँछन्। तर स्थानीयको विरोधले काम हुन सकेको थिएन। त्यसपछि पोखरा उपत्यका नगर विकास समितिले पटकपटक यी घर भत्काउने प्रयास गरेका थिए। नयाँ संरचनामा जनप्रतिनिधि निर्वाचित भएकै वर्ष दिनभित्र मापदण्डभित्रका घर भत्काउन सफल भएको हो।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग