Worldlink ads

बोलबम तयारी पूरा, प्रचारार्थ मोटरसाइकल र्‍याली

आदर्श समाज सम्वाददाता
श्रावण ६, २०७५
bolbom

पोखरा, ५ साउन  । साउन महिना शुरुसँगै बोलबम रौनक हुँदैछ । यसै सर्न्दर्भमा केदारेश्वर महादेवमणि सेवाश्रम समिति बोलबमधाम, पोखराले हरेक वर्ष साउन सोमबार आयोजना गर्दैआएको बोलबम जलयात्रा कार्यक्रम प्रचारका लागि मोटरसाइकल र्‍याली प्रदर्शन गरेको छ ।

बैदामस्थित मन्दिरको मूलगेटबाट शनिबार बिहान शुरु भएको र्‍यालीको बोलबम संयोजक समेत रहेका विश्व हिन्दू महासंघ कास्की अध्यक्ष शंकर खरालले उद्घाटन गरेका थिए । उनले १५ वर्षअघि केदारेश्वरले शुरु गरेको बोलबम जलयात्रा छिमेकी जिल्लामा समेत फैलिँदै गएको बताए । उनले यसपालि पनि कार्यक्रम भव्यरुपमा सम्पन्न गर्न सबैको सहयोगको खाँचो औल्याए । र्‍याली लेकसाइड, हल्लनचोक, जिरो किमी, सिर्जनाचोक, विन्ध्यवासिनी, बगर, नदीपुर, महेन्द्रपुल, चिप्लेढुंगा, सभागृहचोक, पृथ्वीचोक, बिरौटा हुँदै पुनः केदारेश्वर पुगेर समापन भएको थियो । ‘बोलबमको ध्वनीले, शान्ति पाउन् साराले’ भन्ने मूलमन्त्रका साथ भक्तजनले साउन सोमबार सेतीनदी किनार गाईघाटबाट जल लिएर भजनकीर्तनका साथ केदारेश्वरमा जलार्पण गर्दै शिवको पूजाआजा गर्दछन् । मन्दिरमा पूजाआजाका लागि हजारौं भक्तजनको भीड लाग्ने हुँदा आयोजकले सोही अनुसार तयारी पूरा गरेको केदारेश्वर महादेवमणि सेवाश्रम समिति सचिव खिमबहादुर पहारीले जानकारी दिए । पोखरा बृहत् सरसफाइ अभियान गत साता मन्दिरमा पुगेकोमा शनिबार डिभाइन युथ क्लबले पनि सो क्षेत्रमा सरसफाइ गरेको छ ।

मन्दिरका पीठाधीश डा लेखनाथ आचार्यले साउनमा भगवान् शिवको पूजाआजा गरे चिताएको पूरा हुने विश्वास रहेको उल्लेख गर्दै यसको महिमा अपरम्पार रहेको बताए । यस वर्ष १५ औं संस्करणको बोलबम जलयात्रा साउन ७, १४,२१ र २८ गते  हुनेछ । यसैबीच, केदारेश्वर मन्दिर व्यवस्थापन समिति पूर्व अध्यक्ष सूर्यनाथ अधिकारीको निधनमा मोटरसाइकल र्‍यालीका सहभागीले कार्यक्रम शुरु हुनुअघि मौनधारण गरेका थिए । बैदाम निवासी अधिकारीको ७३ वर्ष उमेरमा गत साता निधन भएको हो ।

Related News

सम्बन्धित समाचार

    • गलकोटेलाई पोखराका अस्पतालमा छुट

      रासस कार्तिक ९, २०७८
      बागलुङ । जिल्लाको गलकोट भेगका सर्वसाधारणलाई पोखराका दुई अस्पतालले औषधि र उपचार सेवामा छुटको प्रबन्ध गरेका छन् । फेवासिटी र…
    • प्रतियोगिता पर्खिंदै युकेश

      धनबहादुर गुरुङ कार्तिक ९, २०७८
      पोखरा । पोखराका प्याराग्लाइडिङ पाइलट युकेश गुरुङलाई स्वेदश तथा विदेशको प्रतियोगितामाबाट निम्तो नआएको २ वर्ष बढी भयो । सन् २०१९…
    • त्रिनेत्रेश्वर शिव मन्दिरमा सम्मान

      आदर्श समाज सम्वाददाता कार्तिक ९, २०७८
      लेखनाथ । त्रिनेत्रेश्वर शिव मन्दिर पोखरा ३० शिशुवाले मन्दिरका विभिन्न गतिविधिहरुमा उल्लेखनीय योगदान पुर्‍याएको भन्दै शिशुवा सत्संग भजन भण्डलीलाई सम्मान…
    • ८० प्रतिशत फूल पोखरा आसपासमा नै उत्पादन

      रासस कार्तिक ८, २०७८
      गण्डकी । अधिकांश उत्पादनमा परनिर्भरता नै मौलिकता जस्तै बन्दै गएको वास्तविकतामा पोखरा फूलमा भने आत्मनिर्भर हुने क्रममा छ । तिहार…
    • पोखरा स्टिल फेब्रिकेटर्समा विश्व

      आदर्श समाज सम्वाददाता कार्तिक ८, २०७८
      पोखरा । पोखरा स्टिल फेब्रिकेटर्स एसोसिएसन कास्की अध्यक्षमा विश्वप्रसाद कर्माचार्य निर्वाचित भएका छन् । संस्थाको १४ औं अधिवेशन एवं २१…

    hero news full width

    Jewellery

    sanil ads

    wordlink ads