केसीका समर्थन र प्रहरीबीच कर्णालीमा झडप

Avatar आदर्श समाज सम्वाददाता
श्रावण ४, २०७५

पोखरा, ३ साउन । जुम्लामा अनसनरत प्राडा गोविन्द केसीलाई उनको इच्छाविपरीत उपचारका नाममा जबर्जस्त काठमाडौं लगिएको छ ।

जुम्ला सदरमुकामस्थित कर्णाली स्वास्थ्य विज्ञान प्रतिष्ठानमा अनशनरत प्राडा केसीलाई सरकारले विहीबार काठमाडौं लगेको हो ।

बीस दिनदेखि अनशनरत प्राडा केसीलाई नेपाली सेनाको हेलिकोप्टरबाट साँझ ६:४५ मा काठमाडौँ लगिएको हो ।

टुँडिखेलमा अवतरण गराइएलगत्तै प्राडा केसीलाई एम्बुलेन्समार्फत त्रिवि शिक्षण अस्पताल महाराजगन्ज लगिएको थियो । उनलाई त्रिवि शिक्षण अस्पतालको नाक, कान घाँटी कक्षमा राखिएको छ ।

केसीलाई काठमाडौँ ल्याउन खोज्दा कर्णाली प्रतिष्ठान अस्पतालभित्र झडप हुँदा १ प्रहरी गम्भीर घाइते हुनाका साथै १० भन्दा बढी घाइते भएका छन् ।

यसैबीच, गृहमन्त्रालयले आमरण अनशनरत प्राडा गोविन्द केसीका मागका सम्बन्धमा सम्बन्धित निकायबाट विधिपूर्वक समाधान हुने भन्दै शान्तिकायम राख्न आ-आफ्नो स्थानबाट संयमित रही भूमिका निर्वाह गर्न अपील गरेको छ ।

मन्त्रालयले विज्ञप्ति जारी गरी प्रतिष्ठानमा अनशनरत प्राडा केसीलाई काठमाडौँ ल्याउने क्रममा त्यहाँका विद्यार्थी र कर्मचारी लगायतबाट सुरक्षाकर्मीमाथि हुलहुज्जत गरी प्रतिष्ठानको माथिल्लो तलाबाट सिसा, कुर्चीलगायत अस्पतालभित्रका सामग्रीले प्रहार गरेको जनाएको छ ।

उता, नेपाली काँग्रेसले जुम्लामा अनशनरत प्रा डा गोविन्द केसीलाई काठमाडौँ ल्याउने क्रममा भएको झडपको विरोध गरेको छ । काँग्रेस प्रवक्ता विश्वप्रकाश शर्माले विज्ञप्ति जारी गरी चिकित्सा शिक्षा सुधारका लागि कांग्रेसको सरकारले जारी गरेको अध्यादेशभन्दा विपरीत विधेयक ल्याउनेतर्फ सरकार लाग्नुले स्थिति जटिल बन्दै गएको उल्लेख गरी संसद् बैठक आठ दिन पर सारिएको विषयलाई गम्भीर रुपमा लिइएको जनाएका छन् ।

यसैगरी, प्राडा केसीको उपचार निहुँमा सरकारले कर्णाली स्वास्थ्य विज्ञान प्रतिस्ठानमा गरेको ब्यापक तोडफोड तथा त्यहाँका डाक्टर, विद्यार्थीमाथि गरेको दमनप्रति नागरिक समाज पोखरा र राष्ट्रिय सम्पदा तथा जनअधिकार संरक्षण समितिले आफ्नो ध्यानाकर्षण भएको जनाएका छन् । नागरिक समाजतर्फबाट प्रवक्ता ठाकुरप्रसाद बराल र सम्पदा तथा जनअधिकार संरक्षण समितितर्फबाट महासचिव सुनिल पाण्डेले संयुक्त विज्ञप्ति जारी गर्दै अस्पतालजस्तो संवेदनशील क्षेत्रमा सरकारबाटै तोडफोड हुनु दुःखत भएको उल्लेख छ ।

यस्तै, केसीको सत्याग्रहलाई समर्थनका नाममा देशभरका अस्पतालमा आन्दोलनरत डाक्टरस्र्ाई स्वाथ सेवा बन्द नगर्न समेत आग्रह गरिएको छ । देश र जनताको भलो चाहने सपूतलाई बारम्बार गिरफ्तार, धरपकट गरिनु सबै स्वाभिमानी देशभक्तको अपमान हो भन्दै यस्ता घटना भविष्यमा नदोहोर्‍याउन र  तत्काल माग सुनुवाइको लागि सम्बद्ध पक्षसँग माग गरिएको छ ।

प्रतिक्रिया

Comments on केसीका समर्थन र प्रहरीबीच कर्णालीमा झडप

अन्य समाचार

गण्डकी प्रदेशमा प्रधानमन्त्रीको सम्बोधन

रेलमा भरेर पानी पठाउँछौं

पोखरा, ३ साउन । प्रधानमन्त्री केपी शर्मा ओलीले छिमेकी मुलुकबाट आउने रेलमा नेपालको मिनिरल वाटर भरेर पठाउने बताएका छन् । नेपालमा जस्तो मिनिरल वाटर अरु देशमा नपाइने भन्दै उनले नेपालमा आउने रेलमा पानी भरेर पठाउने योजना अघि सारेका हुन् । 'हिउँबाट पग्लिदै आएको पानी पहरोमा पसेपछि मिनिरल र खनिजसँग मिलेर मिनिरल वाटर बन्छ । हाम्रोमा बाहेक दुनियाँमा मिनिरल वाटर झुठ्ठो कुरा हो,’ उनले भने, 'रेल बनाएपछि ल्याउन त सामान आउला । पठाउने के भने पानी पठाउने, पानी । मिनिरल वाटर । पानीमात्रै उठाएर बोत्तलमा भरेर बेच्ने भने देश धनी बन्छ ।’ समुद्रको आडमा भएका देशसँग पिउनेपानी नभएको भन्दै उनले नेपालले आफूसँग भएको श्रोत उपयोग गर्नुपर्नेमा जोड दिए । समुद्र छन्…

दुर्घटनामा ६५ विद्यार्थी घाइते

भक्तपुर, ३ साउन । काठमाडौँको मूलपानीस्थित क्रिश्चियन कम्युनिटी स्कूलबाट विद्यार्थी लिएर भक्तपुरको थिमितर्फ आउँदै गरेको बा २ क ९२५० नं को स्कूल बस विहीवार अपराहृन मध्यपुरथिमि-९ नीलबाराहीमा दुर्घटना हुँदा ६५ विद्यार्थी घाइते भएका छन् । दुर्घटनामा घाइतेमध्ये ४१ जनाको मध्यपुर अस्पताल र २४ जनाको गठ्ठाघरस्थित नागरिक कम्युनिटी अस्पतालमा उपचार भइरहेको छ । घाइतेमध्ये बसका सहचालक २८ वर्षीय अनिल थापाको नागरिक अस्पतालमा उपचार हुन नसकेपछि बाँसबारीस्थित न्यूरो अस्पतालमा पठाएको छ । थापाको अवस्था गम्भीर रहेको अस्पतालका निर्देशक जितेन्द्र श्रेष्ठले जानकारी दिनुभयो ।  अर्का गम्भीर घाइते चार…