Worldlink ads

पोखरेली पर्यटनलाई पटनाको सुझाव

सीधा हवाइ सेवा शुरु गर्नुस्

आदर्श समाज सम्वाददाता
असार ३१, २०७५

पोखरा, ३० असार। पटनाका पर्यटन व्यवसायीले नेपालमा पटनाबाट सीधा हवाइ शुरु गर्न सुझाव दिएका छन्।

गाडीमा जाँदा पर्यटकलाई धेरै समस्या हुने गरेको भन्दै सीधा हवाइ उडान शुरु गर्न सके नेपाल र पोखराको पर्यटन प्रवर्द्धनमा सघाउ पुग्ने उनीहरुको सुझाव छ।

‘सीधा हवाइ सेवा नहुँदा आधा पर्यटक कलकतादेखि बैंकक जान्छन्। पटनादेखि सीमरा, चितवन वा पोखराका लागि सीधा हवाइ उडान भए बैंकक जाने पर्यटकलाई नेपाल र्डाईर्भर्ट गर्न सकिन्छ,’ टुरिजम एशोसिएसन विहारका अध्यक्ष सञ्जय शर्माले भने, ‘नेपालमा सडक सञ्जाल पनि उत्तिकै ब्यवस्थित हुनुपर्छ। पर्यटकलाई धेरै चेकपोष्टमा चेकजाँच गर्दा पनि धेरै झिँझ्यार मान्छन्।’ उनले पोखरा ‘हट’ पर्यटन गन्तब्य भएको भन्दै यसको प्रचार अझै बढाउनुपर्ने सुझाव दिए।

ट्राभल व्यवसायी सञ्जय झाले नेपालको मौसम र पर्यटनसम्बन्धी धेरैलाई जानकारी नभएको गुनासो गरे। ‘धेरैलाई थाहा छैन नेपाल कसरी जाने र त्यहाँको मौसम कस्तो छ। गर्मी मौसम छल्नका लागि यताका धेरै पर्यटक नेपाल जान मन गर्छन्,’ उनले भने, ‘मुक्तिनाथको बारेमा अहिलेसम्म कसैले बुझेकै थिएनन्।

तर प्रधानमन्त्री मोदी यसपटक गएपछि सबैले थाहा पाए। अहिले मुक्तिनाथ जाने पर्यटक पनि विस्तारै बढ्न थाले।’ उनले नेपालभित्रको हवाइ उडान र सकेसम्म पटनादेखिको उडानमा जोड दिनुपर्ने सुझाव दिएका छन्। ‘पटनाबाट फरक उमेरका पर्यटकहरु फरक उद्देश्यले नेपाल जान्छन्। कोही जनकपुर हुँदै पशुपतिनाथ र मुक्तिनाथसम्म पुग्छन् र कोही चाहीँ ट्रेकिङको लागि जान्छन्,’ उनले थपे, ‘यी तीनै गन्तब्यको राम्रो कनेक्सन भए पर्यटक १० देखि १५ प्रतिशत बढाउन सकिन्छ।’

नेपाल र पोखरा भ्रमणको नयाँ प्याकेज सार्वजनिक गर्न पर्यटन व्यवसायी गौरवकुमारको सुझाव छ। ‘यताका युवा गर्मी छल्नका लागि धरानतिर जान्छन्। सीमरा एयरपोर्टलाई पोखरासँग जोड्न सके उनीहरु पोखरा पनि पुग्छन्,’ उनी भन्छन्, ‘पोखराको पर्यटनबारे राम्रो प्रमोसन राम्रो गर्नुस् हामी प्याकेज निकाल्छौं।’ उनले पोखराले ल्याएको चलिए पोखरा अभियान निकै उत्कृष्ट भएको बताए।

पोखराको पर्यटन प्रबर्द्धन गर्न पोखरेली पर्यटन व्यवसायी यतिबेला भारतमा छ। भारतका पटना, बनारस, लखनउ लगायत क्षेत्रमा पर्यटन प्रवर्द्धन गरी पोखरामा पर्यटक बोलाउने उद्देश्यले अभियान चलाएको पश्चिमाञ्चल होटल संघ पोखराले जनाएको छ।

भारतमा यतिबेला अत्यधिक गर्मी हुने भएकोले भारतीय पर्यटकलाई पर्यटकीय सुन्दर नगरी पोखरा घुम्नका लागि उपयुक्त छ भन्ने सन्देश दिने भ्रमण टोलीको मुख्य उद्देश्य रहेको अध्यक्ष विकल तुलाचनले जानकारी दिए। ‘पोखरा सबै मौसमका लागि घुम्न उपयुक्त छ, गर्मीको समयमा शितल, स्वस्च्छ बातावरण सहित प्राकृतिक दृष्यावलोकनका लागि आउनैपर्ने गन्तव्य हो पोखरा,’ उनले भने, ‘विगत ६ वर्षयता हामीले लगातार यो अभियान चलाइरहेका छौं। यही अभियानले धेरै पर्यटकहरु बढेका पनि छन्।’

पोखरा आउने भारतीय पर्यटक हिमाली दृष्यावलोकनमा लोभिने गरेको बताउँदै नेपाल पर्यटक वोर्ड प्रदेश कार्यालयका प्रमुख सूर्य थपलियाले पोखरा हुँदै धेरै भारतीय पर्यटक प्रशिद्ध तीथस्थल मुक्तिनाथ पुग्ने गरेको बताए।

भारतीय प्रधानमन्त्री नरेन्द्र मोदीको हालै भएको मुक्तिनाथ दर्शन भ्रमणसँगै यस क्षेत्रमा भारतीय पर्यटकको चाप बढेको पर्यटन व्यवसायी बताउँछन्। चलीय पोखरा कार्यक्रमले पोखराको पर्यटनमा सकारात्मक प्रभाव पारेको भन्दै पश्चिमाञ्चल होटल संघका निवर्तमान अध्यक्ष भरतराज पराजुली गर्मीको समयमा मात्र नभएर बाह्रै महिना भारतीय पर्यटकलाई घुम्ने वातावरण मिलाउन कार्यक्रमलाई निरन्तरता दिएको बताउँछन्। पोखरामा पर्यटन प्रवर्द्धन गर्ने उद्देश्यले शुरु भएको ‘चलिए पोखरा’ अभियान सातौं संस्करणको हो।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads