Worldlink ads

गर्भवती र सुत्केरी आमालाई कुखुरा

आदर्श समाज सम्वाददाता
असार २४, २०७५

नवलपरासी, २३ असार। कावासोती नगरपालिकामा ३ सय जना गर्भवती र सुत्केरी महिलालाई कुखुरा वितरण गरिएको छ। कावासोती नगरपालिकामा सञ्चालित सुनौलो हजार दिन कार्यक्रमअन्तर्गत कुखुरा वितरण गरिएको हो।

नगरपालिकामा ३ सय जना सुनौला हजार दिनका आमाहरुका लागि एक जोडीका दरले कुखुरा वितरण गरिएको बहुक्षेत्रीय पोषण कार्यक्रम कावासोतीका फोकलपर्सन राजेन्द्रप्रसाद सापाकोटाले बताए।

सापकोटाले पशु सेवाअन्तर्गत कुखुरा वितरण गरिएको र शिक्षा शाखाअन्तर्गत विद्यालय, विद्यालयमा गएर सरसफाइ र सन्तुलित तथा पौष्टिक आहारबारे जानकारी गराउँदैआएको बताए। त्यस्तै कृषि शाखाअन्तर्गत बीउविजन वितरण गरियो ।

कावासोती नगरपालिकाका प्रमुख प्रशासकीय अधिकृत रोशन ज्ञवालीले कुपोषणको जोखिममा रहेका बालबालिकालाई अण्डा खुवाउनु पोषणको एउटा तत्वमात्र भएको भए पनि योसँगै अन्य पोषणयुक्त खानेकुरामा पनि ध्यान दिन सकियोस् भन्ने उद्देश्यले कुखुरा वितरण गरिएको बताए।

कावासोती नगरपालिकामा चालु आर्थिक वर्षमा बहुक्षेत्रीय पोषण कार्यक्रमअन्तर्गत स्वास्थ्य मन्त्रालयबाट  १५ लाख ४६ हजार रुपैयाँ विनियोजन भएको थियो भने आगामी आर्थिक वर्षका लागि करिब १७ लाख ७० हजार बजेट बिनियोजन भएको छ।

पूर्वी नवलपरासी र पश्चिम नवलपरासीका १५ वटै स्थानीय तहमा अहिले बच्चामा हुन सक्ने कुपोषण रोक्नका लागि सुनौली हजार दिन कार्यक्रम सञ्चालित छ ।

बच्चा आमाको गर्भमा रहेको दिनदेखि १ हजार दिन अर्थात जन्मिएको २ वर्षसम्ममा बच्चाको ८० प्रतिशत मस्ितष्कको विकास भइसक्ने भएकोले सुनौली हजार दिनअन्तर्गत स्वास्थ्य कार्यक्रम सञ्चालन गरिएको हो। यो खास गरेर बच्चामा कुनै पनि किसिमको कुपोषण देखा नपरोस् भनेर सञ्चालन गरिएको बहुक्षेत्रीय पोषण कार्यक्रम हो।

नवलपरासीमा ४ सय २४ जनाभन्दा बढी बालबालिका कडा शीघ्र कुपोषण भएका बालबालिका भेटिएका थिए।

जिल्ला जनस्वास्थ्य कार्यालय नवलपरासीको तथ्यांक अनुसार नवलपरासीमा ३२ हजार बालबालिकामा गरिएको परीक्षणमा ४ सय २४ जना यस्ता बालबालिका भेटिएका हुन्। पूर्वी र पश्चिम नवलपरासी गरी २ जिल्लामा ६ महिनामाथिका ५ वर्षमुनीका करिब ६४ हजार बालबालिका रहेको तथ्यांक छ। तीमध्ये २ हजार ६ सयभन्दा बढी बालबालिकामा कडा शीघ्र कुपोषण रहेको अनुमान गरिएको छ। मृत्यु भएका बालबालिकामध्ये ५२ प्रतिशत कुपोषणकै कारण मृत्यु हुने गरेको पाइएको छ। प्रति १ हजार बालबालिकामध्ये कुपोषणकै कारण जन्मिएको २८ दिनभित्र २१ जना, एक वर्षभित्र ११ जना र पाँच वर्षभित्र ७ जना बालबालिकाले ज्यान गुमाउने गरेको जिल्ला स्वास्थ्य कार्यालयका छवि गिरीले बताए।

Related News

सम्बन्धित समाचार

    • विवेकशील साझाका अध्यक्ष रवीन्द्र मिश्रलाई कोरोना

      आदर्श समाज सम्वाददाता माघ ३, २०७८
      पोखरा । विवेकशील साझा पार्टीका अध्यक्ष रवीन्द्र मिश्रलाई कोरोना संक्रमण भएको छ । मिश्रले आफूलाई पनि कोरोना संक्रमण भएको सामाजिक…
    • एक्यापसँग निरीह तल्ला सरकार

      आदर्श समाज सम्वाददाता माघ ३, २०७८
      पोखरा। कास्कीको मादी गाउँपालिकाले आफ्नो क्षेत्रबाट अन्नपूर्ण संरक्षण क्षेत्र आयोजना (एक्याप) हटाइदिन संघ सरकारसँग आग्रह गरेको छ । विकासमा साझेदारी…
    • पत्रकार नारदजस्तो तटस्थ र निर्भीक हुनुपर्छः बास्तोला

      आदर्श समाज सम्वाददाता माघ १, २०७८
      कपिलबस्तु । स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोलाले पत्रकार नारदजस्तो हुन सक्नु पर्ने बताएका छन् । उनले स्वतन्त्र…
    • नेपाली नर्स लैजान बेलायत तयार

      रासस माघ १, २०७८
      पोखरा । नेपाल र बेलायतबीच श्रम सम्बन्ध कायम गर्ने विषयमा दुई देशका अधिकारी सहमत भएका छन्। दुवै देशका अधिकारीबीच शुक्रबार…
    • नरभक्षी बाघ नियन्त्रणका लागि टोली परिचालन   

      आदर्श समाज सम्वाददाता पौष ३०, २०७८
      नवलपुर। नवलपरासी (बर्दघाट–सुस्तापूर्व)मा बाघको आक्रमण बढ्दै गएपछि सो बाघको अनुगमन र नियन्त्रणका लागि टोली खटिएको छ । जिल्लाको विनयी त्रिवेणी…

    hero news full width