Worldlink ads

परिवार नियोजन संघमा श्रेष्ठ

आदर्श समाज सम्वाददाता
जेठ १३, २०७५
33675629_2053555531523219_4173123708082192384_n

पोखरा, १२ जेठ। नेपाल परिवार नियोजन (नेपनि) संघ, कास्की शाखाको अधिवेशनले नीरञ्जनप्रसाद श्रेष्ठको अध्यक्षतामा नयाँ कार्य समिति चयन गरेको छ।

समितिको सदस्यमा उमेशराज पराजुली, नवीन सिग्देल, अर्जुन सिग्देल, प्रकाशचन्द्र त्रिपाठी, महिला सदस्यमा शक्ति प्रधानाङ्ग, रजनी केसी, नीशा भण्डारी, नानु रेग्मी, किशोर युवा सदस्यमा विष्णुप्रसाद दाहाल, किशोरी युवा सदस्यमा नारायणी त्रिपाठी र किशोरी युवा सदस्यमा दीक्षा पराजुली छन्। नयाँ कार्यसमितिको कार्यकाल ३ वर्षको हुनेछ ।

निर्वाचित पदाधिकारी एवं सदस्यलाई निर्वाचन अधिकृत कृष्णप्रसाद तिमिल्सिनाले प्रमाणपत्र वितरण गरेका थिए। नयाँ कार्य समितिको शनिवार पदस्थापना गरिएको छ। शाखा तदर्थ समितिका संयोजक अर्जुन सिग्देलले नव निर्वाचित सभापति श्रेष्ठलाई शाखाको माइन्यूट हस्तान्तरण गरी पदस्थापन गराएका थिए।

नव निर्वाचित अध्यक्ष श्रेष्ठले संस्थाको गरिमा उचो बनाउने गरी काम गर्ने प्रतिबद्धता व्यक्त गरे। उनले संस्थामा आजीवन र साधारण सदस्यलाई सक्रिय बनाउने वातावरण निर्माण गर्ने बताए।

नेपनि संघ कास्कीका पूर्व अध्यक्ष दिवसमान प्रधानाङ्गले संस्थालाई अघि बढाउन कर्मचारी र स्वयंसेवक दुवै पक्ष मिलेर अघि बढ्नुपर्नेमा जोड दिए।

कार्यक्रममा निर्वाचत अधिकृत कृष्णप्रसाद तिमिल्सिना, पूर्व सदस्य निर्मलप्रसाद कर्माचार्य, ज्येष्ठ सदस्य क्या. गंगाबहादुर खत्री र शाखा प्रबन्धक नवराज अधिकारीले बोलेका थिए।

नेपनि संघ कास्की शाखा तदर्थ समितिका संयोजक अर्जुन सिग्देलको अध्यक्षतामा भएको कार्यक्रममा सदस्य रजनी केसीले स्वागत र अर्का सदस्य राजेश अधिकारीले सञ्चालन गरेका थिए।

Related News

सम्बन्धित समाचार

    • पोखरा न्युरोडमा टेक् स्टुडियो

      आदर्श समाज सम्वाददाता माघ ९, २०७८
      पोखरा । पोखरा न्युरोडमा इलेक्ट्रोनिक्स सामानको खुद्रा स्टोर टेक् स्टुडियो खुलेको छ । विद्युतीय र जीवनशैली उत्पादनमा आधारित फ्रेन्चाइज कम्पनी…
    • रेडक्रस पोखरा ९ को पदस्थापन

      आदर्श समाज सम्वाददाता माघ ९, २०७८
      पोखरा । नेपाल रेडक्रस सोसाइटी पोखरा ९ उपशाखाको पदस्थापन तथा पहिलो बैठक शान्तिदर्शन पार्कमा शनिबार भएको छ । नेपाल रेडक्रस…
    • मिस तामाङ पोखरामा ट्यालेन्ट राउन्ड

      आदर्श समाज सम्वाददाता माघ ९, २०७८
      पोखरा । छैटौं मिस तामाङ पोखरा–२०२२ को ट्यालेन्ट राउन्ड शनिबार भएको छ । बैदाम तामाङ सेवा समाजद्वारा आयोजित प्रतियोगिताको ट्यालेन्ट…
    • पोखरा जेसिजमा तालिम

      आदर्श समाज सम्वाददाता माघ ९, २०७८
      पोखरा । पोखरा जेसिजको वर्ष २०२२ का पदाधिकारीलाई जिम्मेवारीबोध गराउने उद्देश्यले शाखा पदाधिकारी तालिम सञ्चालन गरिएको छ । पोखरा जेसिजका…
    • ट्युव टायर मर्मत व्यवसायी एसोसिएसनमा चन्द्रेश्वर

      आदर्श समाज सम्वाददाता माघ ९, २०७८
      पोखरा । ट्युव टायर मर्मत व्यवसायी एसोसिएसन कास्कीको १५ औं साधारण सभा तथा आठौं अधिवेशनबाट चन्द्रेश्वर बस्ताकोटीको नेतृत्वमा ११ सदस्यीय…

    hero news full width