Worldlink ads

ज्योतिष तथा वास्तु सम्मेलनको तयारी पूरा

आदर्श समाज सम्वाददाता
जेठ ११, २०७५
jyotish

पोखरा, १० जेठ । पोखरामा हुन लागेको चौथो दक्षिण एशियाली ज्योतिष तथा वास्तु सम्मेलनको तयारी पूरा भएको छ ।

दक्षिण एशियाली ज्योतिष महासंघको आयोजनामा जेठ १२ र १३ गते पोखरामा सम्मेलन हुन लागेको हो ।

महासंघले पोखरामा बिहीवार पत्रकार सम्मेलन गरी सम्मेलनमा नेपाल, भारत, श्रीलंका, भुटान, थाइल्याण्ड, मलेशिया, बंगलादेश, बेलायत, कोरिया, हङकङ, इण्डोनेसिया लगायत देशका ७ सय बढी प्रतिनिधि सहभागी हुने जनाएको छ ।

सम्मेलनमा दक्षिण एशियामा ज्योतिषीहरुले पालना गर्नुपर्ने आचारसंहिता र आधुनिक प्रविधिसँग जोडेर नयाँ पुस्तालाई कसरी ज्योतिष विद्याप्रति आकर्षण बढाउन सकिन्छ भन्ने विषयमा मुख्य गरी छलफल हुनेछ ।  सम्मेलन सम्पन्न गर्न करिब ३५ देखि ४० लाख रुपैयाँ खर्च लाग्ने अनुमान गरिएको छ ।

‘ज्योतिष क्षेत्रलाई राज्यले उपेक्षा गरिरहेको छ,’ पत्रकार सम्मेलनमा सम्मेलन मूल निर्णायक समितिका अध्यक्ष डा लोकराज पौडेलले भने, ‘ज्योतिष क्षेत्रलाई महत्व दिए हामी पनि राष्ट्रका लागि योगदान दिन सक्छौं।’ त्यस्तै सम्मेलनमा विभिन्न क्षेत्रका व्यक्तित्वलाई सम्मान तथा अभिनन्दन गर्ने पनि कार्यक्रम छ ।

पत्रकारिता क्षेत्रबाट स्वतन्त्र पत्रकार संघ नेपालका केन्द्रीय  अध्यक्ष तथा आदर्श समाज दैनिकका प्रधानसम्पादक कृष्णप्रसाद बास्तोला, रेडियो बाराहीका कार्यकारी निर्देशक रमेश पौडेल, ताण्डव साप्ताहिकका सम्पादक अर्जुन गिरी र मेरो जिल्ला डटकमका सम्पादक रामकृष्ण लामिछानेलाई सम्मान गरिने छ।

सम्मेलनमा नेपाल पञ्चाङ्ग निर्णायक समितिका अध्यक्ष डा रामचन्द्र गौतम, राष्ट्रिय धर्म सेवा नेपालका अध्यक्ष प्राडा माधव भट्टराई, विशिष्ट व्यक्तित्व प्र. श्रीकृष्ण अधिकारी, संस्कृतिविद् डा जगमान गुरुङ, एशियन एष्ट्रोलोजर कँग्रेस भारतका सभापति डा सत्य विश्वास, वरिष्ठ वास्तुविद् माधवमंगल जोशीलाई अभिनन्दन गरिने छ।

त्यसैगरी, पञ्चाङ्कार पद्यनाथ त्रिपाठी, पाङ्का बयोवृद्व गुरु खगराज रिजाल, यदुनाथ बास्तोला, बयोवृद्व गुरु मनोहरि त्रिपाठी, इन्द्रबहादुर गुरुङ, ज्योतिषी प्रेमकुमारी गुरुङलाई पनि सम्मान गरिने छ।

पत्रकार सम्मेलन दक्षिण एशियाली महासंघका अध्यक्ष डा सहदेव विष्टको अध्यक्षतामा भएको थियो ।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग