Worldlink ads

लागु औषध सचेतना र्‍याली

आदर्श समाज सम्वाददाता
फागुन ६, २०७४
rally

पोखरा, ५ फागुन।  लागु औषध नियन्त्रणबारे सचेतना दिन पोखरामा शनिबार बृहत र्‍याली निकालिएको छ।

जिल्ला प्रहरी कार्यालय कास्कीको लागुऔषध नियन्त्रण महाअभियान-२०७४ अन्तर्गत जिल्ला प्रहरी कार्यालय, सामुदायिक सेवा केन्द्र एवम् सामुदायिक प्रहरी सेवा बगर र वडा प्रहरी कार्यालय बगरको संयुक्त आयोजनामा लागु औषध नियन्त्रणसम्बन्धी बृहत सचेतना र्‍याली निकालिएको हो।

पोखरा लेखनाथ महानगरपालिकाका प्रमुख मानबहादुर जिसीले शुभारम्भ गरेको उक्त र्‍याली टुँडिखेलबाट शुरु भई विन्ध्यवासिनी, मोहरिया टोल, भीमसेन टोल, नालाको मुख, तेर्सापट्टी, नदीपुर, क्याम्पस गेट, ट्याक्सीचोकहुँदै पुनः टुँडिखेलमा पुगी सभामा परिणत भएको थियो।

र्‍यालीमा विभिन्न संघसंस्था, आमा समूह, क्लब, विद्यालय, भजन समूह लगायतले झाँकी, प्ले-कार्ड सहित सहभागिता जनाएका थिए।

र्‍यालीमा विद्यालयतर्फ चिसाखोला वेद विद्याश्रम, संघसंस्थातर्फ मुक्तिनाथ विकास बैंक, आमा समूह तथा क्लबतर्फ सिर्द्धार्थ आमा समूह सिम्पानी, भजन समूहतर्फ देवीस्थान भजन समूह उत्कृष्ट घोषित भए ।

उनीहरुलाई कास्कीका प्रहरी प्रमुख प्रहरी उपरीक्षक अशोक सिंह र सामुदायिक सेवा केन्द्र एवम् सामुदायिक प्रहरी सेवा, बगर अध्यक्ष जीवन अधिकारीले संयुक्त रुपमा पुरस्कार वितरण गरे।

कास्की प्रहरी प्रमुख सिंहले लागु औषध नियन्त्रणमा सबैको साथ र सहयोगको खाँचो रहेको बताए। ‘लागु औषध नियन्त्रण गर्न प्रहरीको एकल प्रयासले मात्रै सम्भव छैन’-सिंहले भने-‘नियन्त्रणमा सबैको साथ र सहयोगको अपेक्षा गरेका छौं।’

कार्यक्रममा पृथ्वीनारायण क्याम्पसका क्याम्पस प्रमुख प्राडा चन्द्रबहादुर थापा, वडा १६ का वडाध्यक्ष जीवन आचार्य, र्‍याली तथा झाँकी मूल्याड्ढन समिति संयोजक तथा सामुदायिक सेवा केन्द्र एवम् सामुदायिक प्रहरी सेवा बगर उपाध्यक्ष मनपति भण्डारीले बोलेका थिए।

कार्यक्रममा लोकदोहोरी गायक शिवहरि ढुंगाना, लक्ष्मी नेपाली, माया गिरी, सरस्वती परियारको विशेष प्रस्तुति रहेको थियो। राष्ट्रिय माविकी छात्रा ऋतु केसीले सचेतनामूलक अभिनय देखाएको कार्यक्रममा देवीस्थान भजन समूह र कास्की जिल्ला शारीरिक सुगठनबाट पनि प्रस्तुति रहेको थियो। बगर केन्द्रका अध्यक्ष जीवन अधिकारीको अध्यक्षतामा भएको कार्यक्रममा कार्यक्रम संयोजक वसन्त बास्तोलाले स्वागत र लोकदाहोरी गायक सुरेन्द्र गुरुङले सञ्चालन गरेका थिए

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads