Worldlink ads

डायमण्ड माविको २९ औं वाषिर्कोत्सव

अबको शिक्षा प्राविधिक र रोजगारमूलक : अधिकारी

आदर्श समाज सम्वाददाता
माघ १०, २०७४

लेखनाथ,  ९ माघ। प्रतिनिधिसभा सदस्य खगराज अधिकारीले अबको शिक्षा प्राविधिक र रोजगारमूलक हुनु पर्नेमा जोड दिएका छन्।

पोखरा २७, तालचोकमा रहेको डायमण्ड माविको २९ औं वाषिर्कोत्सव तथा अभिभावक भेलालाई सम्बोधन गर्दै अधिकारीले निजी विद्यालय र सामुदायिक विद्यालयको शिक्षा प्रणालीलाई एकरुपता दिँदै अन्तर्राष्ट्रिय सुहाउँदो शिक्षाका माध्यमबाट अगाडि बढ्नु पर्ने सुझाव राखे।

अब देशमा राजनीतिक क्रान्ति समाप्त भएकाले समृद्ध नेपाल बनाउनका लागि निजी क्षेत्रबाट सञ्चालित विद्यालयले सहयोगीको भूमिका निर्वाह गर्नुपर्नेमा जोड दिएका थिए।

सोही अवसरमा प्रदेशसभाका सदस्य दीपक कोइरालाले व्यहारिक शिक्षाको माध्यमबाट विद्यार्थीलाई सीपमूलक शिक्षा प्रदान गर्नुपर्नेमा जोड दिँदै नेपाली शिक्षाले अन्तर्राष्ट्रियस्तरमा पनि प्रतिष्पर्धा गर्न सक्ने गरी शैक्षिक नीति तयार पार्नुपर्ने आवश्यकता रहेको औल्याए।

विद्यालय व्यवस्थापन समितिका अध्यक्ष भोजराज लामिछानेको अध्यक्षतामा भएको सो कार्यक्रमा प्याब्सनका केन्द्रिय सदस्य कृष्ण केसी, महानगरपालिका शिक्षा विभागका प्रमुख विश्वराज आचार्य, भूपू विद्यार्थी बुद्धिसागर अधिकारी, विद्यार्थी संगीता पौडेल र स्रोतव्यक्ति विष्णु पौडेल लगायतले गुणस्तरीय शिक्षाका लागि शिक्षक, अभिभावक र विद्यार्थीबीचको सम्बन्ध जीवन्त हुनुपर्ने धारणा राखेका थिए। विविध सांस्कृतिक कार्यक्रम समेत रहेको उक्त कार्यक्रममा विद्यालयका प्राचार्य यमबहादुर रोक्काले वाषिर्क प्रतिवेदन र भावी योजनबारे जानकारी गराएका थिए भने स्वागत मन्तव्य ब्यवस्थापक हरिप्रसाद लामिछाने र धन्यवाद ज्ञापन निर्देशक माधवशरण उपाध्यायले गरेका थिए।

Related News

सम्बन्धित समाचार

    • कृषि अनुसन्धानमा बाँदर बाधा

      आदर्श समाज सम्वाददाता माघ १४, २०७८
      हेमजा । कृषि अनुसन्धान निर्देशनालय, लुम्लेले बाँदरका कारण अनुसन्धानमै समस्या झेल्नु परेको जनाएको छ । बाँदरले अनुसन्धानका धेरै क्षेत्रमा प्रभाव…
    • धर्म संघ बुद्ध विहारमा चैत्य पुनर्निर्माण

      आदर्श समाज सम्वाददाता माघ १४, २०७८
      पोखरा । पोखरा–२, विन्दुवासिनीस्थित धर्म संघ बुद्ध विहारको चैत्य पुनर्निर्माण गर्न लागिएको छ । २०१३ सालमा स्थापित सो विहारको चैत्य…
    • मानशा सहकारीको कारोबार सुरु

      आदर्श समाज सम्वाददाता माघ १४, २०७८
      पोखरा । पोखरा १७, हिमाली टोलमा कार्यालय रहने गरी स्थापित मानशा बहुउद्देश्यीय सहकारी संस्थाले विहीबारदेखि कारोबार शुभारम्भ गरेको छ ।…
    • पोखरा महानगरपालिकाको अत्यावश्यक बाहेकका सेवा स्थगित

      रासस माघ १३, २०७८
      पोखरा । भौगोलिक रूपमा देशकै सबैभन्दा ठूलो पोखरा महानगरपालिकाबाट प्रवाह हुँदै आएका अत्यावश्यक बाहेकका नियमित सेवाहरू आजदेखि स्थगित गरिएको छ…
    • निर्माणाधीन पुल चर्कियो

      आदर्श समाज सम्वाददाता माघ १३, २०७८
      गगनगौंडा । पोखरा वडा ३२ र ३३ गगनगौंडा र लामगादी जोड्ने सेती नदीमाथि निर्माणाधीन पक्की पुल चर्किएको छ । ६१…

    hero news full width