पोखरा, २ माघ। लायन्स क्लब अफ पोखरा चौतारी विन्दवासिनीले तराईमा शीतलहरबाट प्रभावित व्यक्तिलाई न्यानो कपडा वितरण गरेको छ।

रौतहटको माधव नारायण नगरपालिका मिठहवा ५ का झण्डै १ सय ५० जनालाई १ लाख ५ हजार रुपैयाँ बराबरको कम्बल वितरण गरिएको क्लब अध्यक्ष सुरेश श्रेष्ठले जानकारी दिए।

क्लबका सदस्यबाट संकलित रकम पूर्व कोषाध्यक्ष सनिफ मन्सुरीको नेतृत्वमा रौतहट पुगेर कपडा वडा अध्यक्ष र नेपाल मुस्लिम समाज मिठहवाको उपस्थितिमा वितरण गरिएको हो।

कोही पनि नागरिकले चिसोको कारणबाट अकालमा ज्यान गुमाउन नपरोस् भनी उक्त सहयोग गरिएको क्लबले जनाएको छ।