चन्द्रलक्ष्मीको स्मृतिमा अक्षयकोष

आदर्श समाज सम्वाददाता
पौष २०, २०७४

पोखरा, १९ पुस।समाजसेवी कृष्णप्रसाद बरालले आफ्नी धर्मपत्नी चन्द्रलक्ष्मीको स्मृतिमा सामाजिक कार्यका लागि एक लाख रुपैयाँको अक्षयकोष स्थापना गर्ने घोषणा गरेका छन्।

स्व. चन्द्रलक्ष्मी बरालको १३ औं दिनको पुण्यतिथिमा पोखरा लेखनाथ-५ शान्तिमार्ग, मालेपाटनस्थित निवासमा बुधवार आयोजित श्रद्धाञ्जली सभामा उक्त घोषणा गरिएको हो।

सोही सभामा समाजसेवी बरालले सूर्यचन्द्र विकास समाजलाई २५ हजार तथा चिन्तनशील आमा समूह र पोखरा वृद्धाश्रमलाई प्रति संस्था पाँच हजार पाँच रुपैयाँ सहयोग हस्तान्तरण गरेका थिए।

सभामा प्रमुख अतिथि पूर्व न्यायाशीध करुणानिधि शर्मा, महिला सीप विकास संस्थाकी निर्देशक रामकली खड्का, सूर्यचन्द्र विकास समाजका अध्यक्ष कृष्ण बराल, शान्ति टोल विकास संस्थाका अध्यक्ष मोहनप्रसाद कोइराला, चिन्तनशील आमा समूहकी उपाध्यक्ष सावित्री कोइराला, हिरामणि पौडेल, पदमराज पहारी, विश्वबन्धु पौडेल, नरबहादुर केसीले स्व. बरालको पारिवारिक तथा सामाजिक योगदानको चर्चा गरेका थिए।

समाजसेवी कृष्णप्रसाद बरालले चन्द्रलक्ष्मीले धर्मपत्नीको मात्र होइन सामाजिक उत्प्रेरकको रुपमा पनि महत्वपूर्ण भूमिका खेलेको स्मरण गरे। कार्यक्रमको सञ्चालन देवर विष्णुप्रसाद बरालले गरेका थिए।

Related News

सम्बन्धित समाचार

  • चिल्ड्रेन नेपालको उद्घोषणकला तालिम

    आदर्श समाज सम्वाददाता जेठ १२, २०७९
    पोखरा । बालबालिकाको क्षेत्रमा काम गर्दै आएको चिल्ड्रेन नेपालको आयोजनामा उद्घोषण तालिम सञ्चालन गरेको छ । एसइई दिएर बसेका किशोर…
  • इमानदारितापूर्वक काम गर्न पौडेलको आग्रह

    आदर्श समाज सम्वाददाता जेठ १२, २०७९
    पोखरा । नेपाली कांग्रेसका वरिष्ठ नेता रामचन्द्र पौडेलले स्थानीय तह जनताको प्रत्यक्ष सरकार भएकाले जनभावनाअनुरुप कार्यसम्पादन गर्न नवनिर्वाचित स्थानीय तहका…
  • धनराज पोखराको १६ औं मेयर

    प्रकाश ढकाल जेठ १२, २०७९
    पोखरा । पोखराको १६ औंं मेयररुपमा सत्ता गठबन्धनका साझा उम्मेदवार धनराज आचार्य निर्वाचित भएका छन् । बैशाख ३१ देखि सुरु…
  • आर्वाविजय माविको सुविधायुक्त भवन

    आदर्श समाज सम्वाददाता जेठ ११, २०७९
    पोखरा । आर्वाविजय मावि, पोखरा–१३ को पक्की भवन निर्माण भएको छ । भारत सरकारको ३ करोड ९८ लाख ३४ हजार…
  • चुनावको जात्रा, मकैको व्यापार

    धनबहादुर गुरुङ जेठ ११, २०७९
    पोखरा । भुंग्रोमा मकैका घोगा ओल्टाइपल्टाइमै दिन बित्छ, अचेल पोखरा ७ कि कल्पना मगरका आमाछोरीको । छोरी नानुमायाले मकै खोस्टाउने…

hero news full width