पोखरा । मुद्रण उद्योग संघ कास्कीले मुद्रण व्यवसायमा आवद्ध कामदारको निशुल्क बिमा गराएको छ ।
पोखरामा आयोजित एक कार्यक्रमबीच लिबर्टी माइक्रो लाइफ इन्स्योरेन्स गण्डकी र लुम्बिनी प्रदेशका प्रमुख शिव पौड्याल र मुद्रण उद्योग संघ कास्की अध्यक्ष चिन्तामणि बास्तोलाले मजदुरको बिमा सम्झौतामा हस्ताक्षर गरेका हुन् ।
मुद्रण उद्योग संघ कास्की अध्यक्ष बास्तोलाले पोखरामा १ सयभन्दा बढी छापाखाना व्यवसायी भएको र करिब ८ सय जना मजदुर रहेको जानकारी गराउँदै जोखिम न्यूनीकरणको लागि बिमा गरिएको जानकारी गराए । उनले हाल १ सय १५ जनाको बिमा गराइएको र छिट्टै नै सम्पूर्ण मजदुरको निशुल्क बिमा गराइने बताए । अध्यक्ष बास्तोलाका अनुसार बिमाको लागतमा ५० प्रतिशत व्यावसायिक प्रतिष्ठानले र ५० प्रतिशत रकम मुद्रण उद्योग संघ कास्कीले व्यहोर्ने गरी जीवन बिमा गरिएको बताए ।
लिवर्टी माइक्रो लाइफ इन्स्योरेन्सका पौड्यालले बिमा सम्झौतामा दुर्घटना उपचार खर्च वार्षिक २० हजार, मृत्यु भएमा १ लाख र दुर्घटना भइ मृत्यु भएमा थप ५० हजार र अपांग (पूर्ण अशक्त) भएमा ५० हजारको लाभ लिन सकिने जानकारी गराए । बिमा गर्नु खर्च नभई लगानी भएको उनले बताए ।
कार्यक्रममा मुद्रण उद्योग संघ कास्की र नेपाल मुद्रण उद्योग महासंघ गण्डकी प्रदेशले संयुक्त रुपमा निकालेको नयाँ वर्षको टेबल क्यालेन्डर सार्वजनिक गरियो । नेपाल मुद्रण उद्योग महासंघका केन्द्रीय अध्यक्ष विष्णुप्रसाद तिवारीले क्यालेन्डर सार्वजनिक गरेका हुन् । उनले मुद्रण उद्योग व्यवसायमा राज्यले कुनै मूल्य र दररेट नतोक्दा पनि व्यवसायीहरु आफैँमा प्रतिस्पर्धा हुँदा व्यवसाय नै धराशयमा पुगेको बताए । ‘हामी हाम्रो उत्पादनको मूल्य आफैं तोक्छौं, राज्य नै कुनै अंकुश लगाएको छैन । तर पनि व्यवसाय सफल बन्न सकेको छैन र दुखी बन्छौं । कारण हामी उचित मूल्य लिन सकेका छैनौं,’ उनले भने, ‘हामी र हाम्रो व्यवसायलाई सफल बनाउन मूल्यमा प्रतिस्पर्धा होइन, स्तरीय काममा ध्यान दिनुपर्छ ।’ राज्यका विभिन्न निकायले मुद्रण व्यवसायीको घाँटी थिच्ने काम गरेको आरोप लगाए ।
कार्यक्रममा मुद्रण उद्योग महासंघ गण्डकी प्रदेश अध्यक्ष वसन्त बास्तोलाले स्वागत मन्तव्य, नेपाल मुद्रण उद्योग महासंघ केन्द्रका निवर्तमान उपाध्यक्ष पदमलाल श्रेष्ठले शुभकामना मन्तव्य व्यक्त गरे । कोषाध्यक्ष कोपिला श्रेष्ठले दुर्घटना र जीवन बिमाकोे अनुभवबारे जानकारी गराइन् । दुर्घटना बिमा संयोजक तथा मुद्रण उद्योग संघ कास्कीका वरिष्ठ उपाध्यक्ष दिनेशचन्द्र बास्तोलाले बिमा सम्झौताबारे बताएका थिए ।
मुद्रण उद्योग संघ कास्की अध्यक्ष बास्तोलाको अध्यक्षतामा भएको कार्यक्रमको सञ्चालन महासचिव पदम श्रेष्ठले गरेका थिए ।
Related News
सम्बन्धित समाचार
आमसञ्चार गण्डकी सरकारको प्राथमिकतामै छ : मुख्यमन्त्री पाण्डे
व्यासको पुन मतगणना असार २ मा नहुने
प्रदेश सभा सदस्य सुवेदीले भने : अधिकारी सरकारले बौद्धिक चोरी गर्यो
नीति तथा कार्यक्रममाथिको छलफलमा आज पनि मुख्यमन्त्री अनुपस्थित
नीति तथा कार्यक्रमको छलफलमा मुख्यमन्त्री नहुँदा विपक्षी दलले गरायो ध्यानाकर्षण
hero news full width
मुख्य समाचार
गण्डकीको बजेट ३३ अर्ब
गण्डकी सरकारको ३२ अर्ब ९७ करोड बराबरको बजेट सार्वजनिक
असार २, २०८१गण्डकीको बजेटमा ‘उचाइमा खेल, खेलमा उचाइ’
असार २, २०८१गण्डकी प्रदेश सरकारका यी हुन् बजेटका उद्देश्य र प्राथमिकता
असार २, २०८१गण्डकीको आगामी आवको बजेट प्रस्तुत सुरु
असार २, २०८१पत्रकार महासंघ कास्कीमा फेरि किन भयो तालाबन्दी ?
असार २, २०८१