पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा. टकराज गुरुङले ३२ अर्ब ९७ करोडको बजेट प्रस्तुत गरेका हुन् ।
आगामी वर्ष चालुतर्फ १३ अर्ब १६ करोड अर्थात् करिब ४० प्रतिशत र पुँजीगततर्फ १९ अर्ब ५१ करोड अर्थात् ५९ प्रतिशत विनियोजन भएको छ । वित्तीय व्यवस्थामा ३ करोड राखिएको छ । पूरा बजेटमध्ये संघ सरकारबाट समानीकरण अनुदान शीर्षकमा ७ अर्ब ६३ करोड, राजस्व बाँडफाँटबाट ९ अर्ब ६१ करोड, रोयल्टीको ४८ करोड प्राप्त हुने अनुमान छ ।
यस्तै, सशर्त अनुदान ३ अर्ब १० करोड, समपूरकमा १ अर्ब १९ करोड र विशेष अनुदानबाट ६५ करोड प्राप्त हुने अनुमान उनले सुनाए । आन्तरिक आम्दानी ५ अर्ब १७ करोड मात्रै प्रक्षेपण गरिएको छ ।
चालु वर्षमा खर्च नभएर जोगिएको २ अर्ब ९४ करोड पनि आगामी बजेटको आम्दानी हो ।
१ अर्ब ७० करोड अहिले पनि आन्तरिक ऋण लिने सरकारको प्रस्ताव छ । आन्तरिक ऋणको शीर्षक हरेक बजेटमा उल्लेख भए पनि ऋण उठाउने कानुन बन्न सकेको छैन भने ऋण लिइएको पनि छैन ।
सरकारले शनिबार प्रस्तुत गरेको बजेट चालु वर्षको भन्दा ४५ करोड कम हो । चालु वर्षमा ३३ अर्ब ४२ करोडको बजेट कार्यान्वयनमा छ । प्रदेशको आन्तरिक राजस्व अपेक्षाकृत बिस्तार हुन नसकेको र संघीय सरकारबाट प्राप्त हुने अनुदान घटेका कारण बजेटको आकार साँघुरिएको अर्थमन्त्री गुरुङले सुनाए । ‘आन्तरिक राजस्व अपेक्षाकृत बढेको छैन । संघ सरकारबाट प्राप्त हुने समानीकरण, सशर्त, समपूरक र विशेष अनुदानको आकार पनि विगत वर्षभन्दा घटेको छ,’ उनले भने । प्रदेश सरकारको दरबन्दी बढेको र महँगीका कारण चालु खर्च बढेको उनको तर्क छ । यद्यपि आर्थिक समस्या बिस्तारै सुधारोन्मुख रहेको सरकारी दाबी छ । प्रदेशको अधिकांश बजेट संघ सरकारको अनुदानमा निर्भर छ ।
मन्त्रालयगत रुपमा आगामी वर्ष पनि भौतिक पूर्वाधारले नै धेरै बजेट पाउने छ । भौतिकमा मात्रै १२ अर्ब ७० करोड बजेट विनियोजन गरिएको छ । सामाजिक विकास मन्त्रालयमा ५ अर्ब ४७ करोड, उर्जा, जलस्रोत तथा खानेपानीमा ४ अर्ब २ करोड, कृषि तथा भूमि व्यवस्थामा २ अर्ब ९ करोड, उद्योग, पर्यटन, वन तथा वातावरणमा १ अर्ब ५८ करोड, मुख्यमन्त्री कार्यालयमा १ अर्ब ५४ करोड र अर्थ मन्त्रालयमा १७ करोड बजेट छ ।
कृषिमा प्राथमिकता बढ्यो, बजेट घट्यो
सरकारले आगामी वर्ष पनि कृषिलाई नै बढी प्राथमिकता दिएर नीति तथा कार्यक्रम ल्याएको थियो । बजेटमा पनि धेरै कार्यक्रम समेटिएका छन् । तर बजेटको आकार चाहिँ कृषि मन्त्रालयमा घटाइएको छ ।
चालु वर्षमा कृषिले २ अर्ब २१ करोड कार्यान्वयन गरिरहेको छ भने आगामी वर्ष २ अर्ब ९ करोड अर्थात १२ करोड बजेट कम विनियोजन भएको हो । गण्डकी प्रदेशलाई खाद्यान्न, तरकारी, फलफूल, माछामासु र आलु उत्पादनमा आत्मनिर्भर बनाउन विशेष कार्यक्रम घोषणा गरेको छ । यसका लागि १२ करोड ६२ लाख विनियोजन गरिएको छ ।
गण्डकीको चालु वर्षको आर्थिक वृद्धिदर ४.२३ प्रतिशत पुग्ने अनुमान
यस्तै, बृहत्तर पशु विकास कार्यक्रम र मत्स्य आयोजनाका लागि ३ करोड ५१ लाख छुट्याइएको छ भने मध्यपहाडी लोकमार्गले छोएका गोरखाका स्थानीय तहमा नमुना परियोजनाका रुपमा कोरिडोर लक्षित बाख्रा विकास कार्यक्रम अघि सारिएको छ । यसमा २ करोड १२ लाख विनियोजन भएको छ । एक निर्वाचन क्षेत्र, एक प्रविधिमैत्री स्मार्ट कृषि फर्मदेखि कृषि उत्पादनको बजारीकरणसम्मको परिकल्पना बजेटले गरेको छ । अघिल्लो वर्ष पनि चर्चामा आएर कार्यान्वयन नभएको गाँजाखेतीको विषय अहिले पनि जोडिएको छ । आगामी वर्ष गाँजाखेतीको आवश्यक कानुनी व्यवस्था गर्दै कार्यान्वयनको मार्गचित्र बनाउने घोषणा गरेको छ ।
पदमार्ग जोगाउने, स्याटलाइट गन्तव्य थप्ने
पोखरा र आसपासका स्थानीय तहसँग सहकार्य र सहयोगमा ११ वटा पर्यटकीय स्याटलाइट गन्तव्य निर्माण गर्ने परिकल्पना छ । यस्तै, अन्नपूर्ण, मनास्लु, धवलागिरी, माछापुच्छ«े, मर्दी लगायत पदमार्गको संरक्षण र स्तरोन्नति गर्ने सरकारले जनाएको छ । प्रदेशभित्र रहेका होमस्टे संरक्षण र प्रबद्र्धनलाई पनि बजेटले सम्बोधन गरेको छ । ‘होमस्टे जाऔं, स्थानीय कला संस्कृतिमा रमाऔं’ भन्ने नाराका साथ घरबास कार्यक्रमलाई रोजगारी र उत्पादनसँग जोड्ने बताएको छ । सरकारले मनाङ र मुस्ताङ जिल्ला अस्पताललाई २५ शड्ढया, पर्वत, स्याङ्जा, दमौली, मध्यविन्दु र मातृशिशु अस्पताललाई ५० शड्ढया क्षमतामा स्तरोन्नति कार्यक्रम ल्याएको छ । उता, गोरखाको आँपपिपल र बागलुङको बुर्तिवाङ अस्पताललाई सञ्चालनमा ल्याउन बजेट व्यवस्था गरेको अर्थमन्त्री गुरुङले जानकारी दिए ।
गण्डकी सरकारले आगामी वर्ष पनि उत्तर दक्षिण करिडोर, मनाङ मस्र्याङ्दी सडक लगायत सडकलाई प्राथमिकता दिएको छ । एसियाली विकास बैंकसँगको सहयोगमा गोरखाको अबुवादेखि बिर्दी हुँदै पौवाटार सडक, बागलुङको अदालत चौतारीदेखि रायडाँडा हुँदै बरेङसम्मको सडक, कास्कीको घट्टेखोलादेखि धम्पुस हुँदै खानीगाउँ जोड्ने सडक र नवलपुरको आलोक चक्रपथ कालोपत्रे गर्ने दाबी गरेको छ । यो कार्यक्रमबाट ८० किलोमिटर सडक कालोपत्रे हुने प्रक्षेपण छ ।
आर्थिक वृद्धिदर बढ्ने
गण्डकीको चालु वर्षको आर्थिक वृद्धिदर ४.२३ प्रतिशत पुग्ने अनुमान गरिएको छ । गत वर्ष ३.६९ प्रतिशत आर्थिक वृद्धिदर थियो । कुल गार्हस्थ उत्पादन ५ खर्ब १६ अर्ब पुग्ने अनुमान छ भने कुल गार्हस्थ उत्पादनमा गण्डकी सरकारको खर्चको हिस्सा ४.६ प्रतिशत रहने अनुमान छ । कृषि क्षेत्रको योगदान २६.४ प्रतिशत, उद्योगको योगदान १६.८ प्रतिशत र सेवा क्षेत्रको ५६.८ प्रतिशत हुने सरकारले जनाएको छ । यो वर्ष प्रदेशवासीको प्रतिव्यक्ति आय बढेर १ हजार ५ सय ५७ अमेरिकी डलर पुग्ने बताइएको छ । गत वर्ष यो आम्दानी १ हजार ४ सय ९९ पुगेको थियो ।
Related News
सम्बन्धित समाचार
रविलाई फेरि अदालत उपस्थित गराइँदै
हिमाली सांस्कृतिक परिवारलाई सिद्धि गौचन पुरस्कार
को होला मिस पोखरा ?
जेठोबुढो जोगाउँदै पोखरा महानगर
नेसपाले नाम फेर्ने, महाधिवेशन माघमा
hero news full width
मुख्य समाचार
विदेश छोडेर कागती खेती
नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१पोखराको सहिदचोकमा पेट्रोल पम्प निर्माणमा अन्तरिम आदेश
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१