गण्डकीको बजेटमा ‘उचाइमा खेल, खेलमा उचाइ’

आदर्श समाज सम्वाददाता
असार १, २०८१
minister 1

पोखरा । गण्डकी प्रदेश सरकारले खेल क्षेत्रलाई प्राथमिकता दिँदै उचाइमा खेल, खेलमा उचाइ कार्यक्रम संचालन गर्ने भएको छ।

आवको आवको बजेट प्रस्तुत गर्दै अर्थमन्त्री डा. टकराज गुरुङले सो योजना सुनाएका हुन्।

उनले भने, ‘उच्च उचाइमा खेल तालिम केन्द्रको पूर्वाधार निर्माण गर्ने कार्य आगामी आवमा सुरुआत गरी उच्च उचाइको खेलका लागि उचाइमा खेल, खेलमा उचाइ कार्यक्रमका लागि आवश्यक व्यवस्था मिलाएको छु ।’

प्रदेश सरकारले खेलाडीको सम्मानमा समेत बजेट विनियोजन गरेको जनाएको छ । प्रदेशका ख्यातिप्राप्त खेलाडीको सम्मान कार्यक्रम संचालनका लागि आवश्यक बजेट व्यवस्था मिलाइएको अर्थमन्त्री डा. गुरुङले बताए ।

यसैगरी, विकास र सुदृढीकरणका लागि संघ सरकार र स्थानीय तहबीच सहकार्य र साझेदारी गर्दै खेलाडीको व्यावसायिकता विकास र प्रशिक्षण र प्रोत्साहनको विशेष कार्यक्रम संचालन गर्ने व्यवस्था मिलाइएको जनाइएको छ ।

सामाजिक विकास तथा स्वास्थ्य मन्त्रालयको लागि आगामी आवको बजेटमा ५ अर्ब ४७ करोड बजेट विनियोजन गरिएको छ ।

Related News

सम्बन्धित समाचार

hero news full width