पोखरा । गण्डकी प्रदेश सभा सदस्य डिल्लीराम सुवेदीलेको खगराज अधिकारी नेतृत्वको सरकारमाथि बौद्धिक चोरीको आरोप लगाएका छन् । प्रदेश सभामा चलिरहेको नीति तथा कार्यक्रमको छलफलमाथि बोल्दै सुवेदीले सुरेन्द्रराज पाण्डे नेतृत्वको सरकारले ल्याएको दोस्रो पञ्चवर्षीय योजनाको आधारपत्रमा केही नारा र फोटो फेरेर जस्ताको तस्तै उतार गरी पुन प्रकाशन गरी अधिकारी सरकारले बौद्धिक चोरी गरेको बताए ।
यसअघि बजेटको सिद्धान्त र छलफलका क्रममा सुवेदीले सरकार अविछिन्न उत्तराधिकारी संस्था भए पनि केही नारा र फोटो फेर्नकै लागि अधिकारी सरकारले आधारपत्र परिमार्जन गरेको बताएका थिए । त्यसको जवाफ बिहीबार संसदको रोस्ट्रमबाट दिँदै पूर्वमुख्यमन्त्री खगराज अधिकारीले निष्ठाको राजनीतिमा लागिरहेको आफूलाई फोटोको कुनै मोह नभएको बताएका थिए । अध्ययनशील मानिएका प्रदेश सभा सदस्यबाट तुच्छखालका शब्दहरु प्रयोग गरिनु संसदकै मर्यादा विपरीत रहेको अधिकारीको भनाइ थियो
प्रदेश सभा सदस्य सुवेदीले शुक्रबारको छलफलमा पहिलो आधारपत्रको नक्कल गरी दोस्रो सार्वजनिक गर्दा पहिलोलाई आभार समेत व्यक्त नगरिएको बताए । २०५१ सालदेखि फोटो टाँस्दै आउनुभएको माननीयलाई फोटो टाँस्ने रहर नभए पनि योजना आयोगमा नियुक्त भएकाहरुको फोटो टाँस्ने रहरलाई रोक्न सक्नुपर्ने उनको भनाइ थियो ।
उनले भने,‘यो डकुमेन्ट (अधिकारी सक्नरकारले ल्याएको आधारपत्र) ले यो डकुमेन्ट (पाण्डे सरकारले ल्याएको आधारपत्र) लाई एक ठाउँमा पनि थ्यांक यु भनेको छैन, म गलत छैन भने, कहिलेकाँहि झुक्किन पनि सकिन्छ ।’ रुपान्तरणका १४ वटा क्षेत्र परिमार्जन नगरी केबल फोटो र नारामात्र परिवर्तन गरिएको उनले दोहो¥याए ।
पूर्वमुख्य अधिकारीलाई लक्ष्य गर्दै सुवेदीले दृष्टिमा समस्या देखिएकाले सन्दुक रुइतसँग जचाउन पनि सुझाव लिए ।
Related News
सम्बन्धित समाचार
रविलाई फेरि अदालत उपस्थित गराइँदै
हिमाली सांस्कृतिक परिवारलाई सिद्धि गौचन पुरस्कार
को होला मिस पोखरा ?
जेठोबुढो जोगाउँदै पोखरा महानगर
नेसपाले नाम फेर्ने, महाधिवेशन माघमा
hero news full width
मुख्य समाचार
विदेश छोडेर कागती खेती
नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१पोखराको सहिदचोकमा पेट्रोल पम्प निर्माणमा अन्तरिम आदेश
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१