नीति तथा कार्यक्रममाथिको छलफलमा आज पनि मुख्यमन्त्री अनुपस्थित

आदर्श समाज सम्वाददाता
जेठ ३२, २०८१
Gandaki Province

पोखरा । नीति तथा कार्यक्रममाथिको छलफलमा आज पनि मुख्यमन्त्री सुरेनद्रराज पाण्डसहित मन्त्रीहरु अनुपस्थित भएका छन् । ११ बजे सुरु हुने भनेको बैठक मन्त्रीहरु नआएकै कारण ४५ मिनेट ढिला गरी सुरु भएको थियो ।

घन्टी बजेको आधा घन्टासम्म सदनमा एकजना मन्त्री पनि पुगेनन् । सामाजिक विकास तथा स्वास्थ्य मन्त्री बिन्दुकुमार थापा पुगेपछि बल्ल संसद बैठक सुरु भएको थियो ।

नीति तथा कार्यक्रम माथिको छलफलमा मुख्यमन्त्रीको उपस्थिति अनिवार्य मानिन्छ । हिजोको बैठकमा केही बेर बसेर मुख्यमन्त्री बाहिरिएपछि प्रतिपक्षी दल एमालेले सभामुखको ध्यानाकर्षण गराएको थियो ।

तर आज पनि मुख्यमन्त्री पाण्डे सदनमा पुगेनन् । आर्थिक मामिला, भौतिक पूर्वाधार तथा यातायात मन्त्री र विपक्षी दलका नेता खगराज अधिकारी पनि आजको बैकठमा उपस्थिति भएनन् ।

ऊर्जा मन्त्री फणीन्द्र देवकोटा भने कारवाहीमा परेको हल्लापछि सदन र मन्त्रालय कतै गएका छैनन् ।

Related News

सम्बन्धित समाचार

hero news full width