चितवन । भरतपुर महानगर प्रज्ञा प्रतिष्ठानले आइतबार स्रष्टा सम्मान तथा पुरस्कृत गरेको छ । कार्यक्रममा प्रतिष्ठानका कुलपति रेनु दाहाल, महानगरका उपप्रमुख चित्रसेन अधिकारी, प्रमुख प्रशासकीय अधिकृत नरेन्द्रकुमार राना, उपकुलपति इन्द्र रेग्मीले संयुक्तरुपमा स्रष्टाहरूलाई सम्मान तथा पुरस्कृत गरे ।
प्रज्ञा प्रतिष्ठानले वार्षिकरुपमा प्रदान गर्ने विभिन्न सम्मान, पुरस्कार तथा निबन्ध र कथा प्रतियोगितामा पुरस्कृत प्रतिभालाई सम्मान गरिएको हो । कार्यक्रममा भरतपुर प्रज्ञा सम्मानबाट भरतपुर ४ का प्रकाश थापा ‘प्रथा’, कृष्णबम मल्ल प्रज्ञा सम्मानबाट भरतपुर १२ का प्राडा कर्णबहादुर बानियाँ, चित्रवन प्रज्ञा पुरस्कार संस्कृतिको सोपानमा चितवन कृतिका लागि भरतपुर १० का डिआर पोखरेललाई प्रदान गरियो । उनीहरुले समान ५० हजार ७८ नगद, दोसल्ला र प्रमाणपत्र प्राप्त गरे ।
वागीश्वरी प्रज्ञा पुरस्कार भरतपुर १ का सिम्रन क्षेत्रीको झुमर उपन्यासलाई दिइएको छ । भरतपुर प्रज्ञा पुरस्कार (काव्य) जगन्नाथ पण्डितको घरबारीमा तोरी फुल्यो कविता संग्रहलाई दिइएको छ । भरतपुर प्रज्ञा पुरस्कार (आख्यान) अष्टदेव खनालको ‘अन्तश्चेतना’ उपन्यासलाई दिइएको छ । उनीहरुले समान २५ हजार ७८ नगद, दोसल्ला र प्रमाणपत्र प्राप्त गरे ।
राष्ट्रिय खुला कथा प्रतियोगिता २०८० मा पुरस्कृत स्रस्टालाई पनि सम्मान गरिएको छ । प्रतियोगितामा नुवाकोटका अनन्त लम्सालको अन्तिम पथ शीर्षकको कथा सर्वोकृष्ट बनेको थियो । लम्साललाई ४० हजार ७८ नगद र प्रमाणपत्रले पुरस्कृत गरियो । लमजुङकी अनिता पन्थीको मृत्युको अपील शीर्षकको कथाले उत्कृष्ट स्थान हासिल गरेको छ । पन्थीलाई ३० हजार ७८ नगद र प्रमाणपत्र प्रदान गरियो ।
काभ्रेका समीप खड्काको भाग्यको कुरो शीर्षकको कथाले उत्तम स्थान गरेको छ । खड्कालाई २० हजार ७८ नगद र प्रमाणपत्रले पुरस्कृत गरियो । त्यस्तै मोरङकी मन्दिरा मधुश्री (मन्दिरा कोइराला) को पहिचान र राधिका कल्पित (राधिका गौतम पौडेल) को अब लजाउँदैन लज्जावती शीर्षकको कथालाई प्रोत्साहन पुरस्कार प्रदान गरियो । प्रोत्साहन पुरस्कार १० हजार ७८ नगद र प्रमाणपत्र रहेको थियो ।
प्रतिष्ठानले ‘मेरो सपनाको भरतपुर’ शीर्षकमा चितवन जिल्लास्तरीय निबन्ध प्रतियोगिता २०८० आयोजना गरिएको थियो । प्रतियोगितामा हरिप्रसाद तिवारीको निबन्ध सर्वोकृष्ट, अनुष्का न्यौपानेको निबन्ध उत्कृष्ट र चिरञ्जीवी दाहालको निबन्ध उत्तम घोषित भएका थिए । सर्वाेत्कृष्ट, उत्कृष्ट र उत्तमका लागि क्रमश १० हजार ७८, ८ हजार ७८ र ६ हजार ७८ नगदका साथमा प्रमाणपत्र प्रदान गरियो ।
प्रोत्साहन पुरस्कारस्वरुप सन्तोष सुवेदी र स्वस्तिक शर्मालाई समान ४ हजार ७८ र प्रमाणपत्र दिइएको छ । प्रज्ञा परिषद्का उपकुलपति इन्द्रप्रसाद रेग्मीको अध्यक्षतामा भएको कार्यक्रम प्रज्ञा प्रतिष्ठानका सदस्य सचिव बालकृष्ण थपलियाले सहजीकरण गरेका थिए ।
Related News
सम्बन्धित समाचार
होमस्टे महासंघ गण्डकीको प्रशिक्षण
पर्यटनकर्मीलाई ‘पर्यटकमैत्री सेवा’ सम्बन्धी तालिम
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
पोखरा भिलेज अब चारतारे
ढोरपाटन सिकार आरक्ष आसपासमा तीस घरबास सञ्चालन गरिने
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१