पोखरा । अन्नपूर्ण महिला सञ्जाल ढिकुरपोखरीको आयोजना तथा गाउँपालिकाको सहयोगमा बिहीबारदेखि नेतृत्व विकास तथा कानुनी सचेतना तालिम सुरु भएको छ ।
तालिम उद्घाटन गर्दै गाउँपालिकाका अध्यक्ष विष्णुबहादुर केसीले पालिकाले विभिन्न कार्यक्रम सञ्चालन गर्दै आएको स्पष्ट पार्दै महिला सशक्तीकरणसँगै अन्नपूर्णको विकासमा पालिका चनाखो रहेको बताए ।
उपाध्यक्ष चन्द्रकला अधिकारीले संविधानमा महिलाका हक तथा अधिकारहरू व्यवस्था गरिए र त्यसमा महिलाहरू स्वयं जानकार हुनुपर्ने बताइन् । उनले नेतृत्व लिएर महिलाहरू नेता हुनुपर्नेमा जोडसमेत दिइन् ।
प्रमुख प्रशासकीय अधिकृत विष्णुप्रसाद पोखरेलले कानुन जान्दिनँ तथा मान्दिनँ भनेर सुख नपाइने स्पष्ट पार्दै कानुनका सर्वमान्य सिद्धान्तहरू दैनिक जीवनयापनमा अवलम्बन गर्नुपर्ने दायित्व आम नागरिकको पनि हुने औंल्याए ।
गाउँपालिका प्रवक्ता समेत रहेका वडा नं.७ अध्यक्ष भरतमान गुरुङ, वडा नं. २ का कार्यवाहक वडाध्यक्ष माया अधिकारी, वडा सदस्य नौली सुनार, गाउँपालिका स्तरीय महिला सञ्जालका अध्यक्ष कमला केसी, पूर्व कार्यपालिका सदस्य भगवती भण्डारीलगायतले महिला सशक्तीकरणको लागि कानुन जानी कार्यान्वयन गर्नुपर्नेमा जोड दिए ।
तालिममा बिहीबार एकल महिला समूह कास्की अध्यक्ष जुना केसीले नेतृत्व विकास विषयमा सहजीकरण गरिन् ।
शुक्रबार पोखरा उच्च अदालत बार एसोसियसन महिला केन्द्रका सचिव अधिवक्ता माधवी पाण्डे तथा शनिबार पोखरा उच्च अदालत बार एसोसिएसन महिला केन्द्रका अध्यक्ष अधिवक्ता भुवन पराजुली तथा आइतबार अधिवक्ता विष्णुप्रसाद पोखरेल र गीता विष्टले सहजीकरण गर्नेछन् ।
वडा स्तरीय महिला सञ्जाल अध्यक्ष हरिमाया अधिकारीको अध्यक्षतामा भएको उद्घाटन समारोहमा उपाध्यक्ष तिर्सना भण्डारीले स्वागत, महिला तथा बालबालिका शाखा प्रमुख निर्मला कुँवरले कार्यक्रमको उद्देश्यमाथि प्रकाश तथा महिला सञ्जाल सचिव सरला त्रिपाठी भण्डारीले कार्यक्रम सञ्चालन गरिन् ।
चार दिनसम्म चल्ने तालिम उपाध्यक्षसंँग महिला कार्यक्रमअन्तर्गत सञ्चालन गरिएको हो ।
Related News
सम्बन्धित समाचार
किशोरीका लागि सीपमूलक शिक्षा
हजुरआमा बनेपछि एसइई दिँदै कांग्रेस नेत्री भुसाल
छोरीलाई स्वावलम्बी बनाउन बागलुङ ‘नगरकी छोरी’ कार्यक्रम
नौमती बाजा बजाउन तालिम लिँदै बागलुङका आमाहरू
जनजागृति आमा समूहमा शान्ति
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१