पोखरा । तालैतालको सहर पोखरामा अनेकतालका कार्यक्रम भइरहन्छन् । साहित्यिक क्षेत्रसँग सम्बन्धित संस्थाहरुले शनिबारका लागि कार्यक्रम राख्न पालो नै लगाउनुपर्छ । नेपाली लेखक संघ, गण्डकीले साहित्यिक क्षेत्रमा नौलो अभ्यास थालेको छ । जसलाई उसले नाम दिएको छ ‘दौंतरी’ । संस्थाले गत चैतमा कार्यक्रमको शुभारम्भ शृखलामा साहित्यकार सरूभक्त र तीर्थ श्रेष्ठलाई मञ्चमा उभ्याएको थियो । शनिबार स्रष्टाहरू दीपक समीप र जीवनसागर भण्डारी दौंतरीमा गफिए ।
संस्थाको इतिहास, दौंतरी कार्यक्रमको विशेषता र दौंतरी शृंखलामा उभिँदै गरेका स्रष्टाहरू दीपक समीप र जीवनसागर भण्डारीको छोटो परिचयसँगै कार्यक्रमको थालनी गरे संस्थाका महासचिव सञ्जीव पौडेलले । त्यसलगत्तै उनले शृंखलाका दौंतरी सर्जक दीपक जीवनसागर भण्डारीलाई मञ्चमा गए । उनीहरूलाई मञ्चमा खादा लगाएर स्वागत गरे साहित्यकार सरूभक्त र तीर्थ श्रेष्ठले । संस्थाका अध्यक्ष डा. ईश्वरमणि अधिकारीले दौंतरी कार्यक्रमको मेलो अघि बढाए ।
अधिकारीले दीपक र जीवनसागर भण्डारीका एक एक थान मुक्तक वाचन गरे । ४० कोे दशकको अन्तिमतिरबाट छापा माध्यममा मुक्तकलेखनबाट उदाएका साहित्यकार दीपक समीप र पचासको दशकसँगै साहित्य लेखनमा लागेका जीवनसागर भण्डारीका सिर्जना लेखन र मित्रताका आयामलाई अधिकारीले एकपछि अर्को गर्दै कोट्याउँदै गए । मुक्तक र गफगाफ सँगसँगै अगाडि बढाइएको कार्यक्रममा स्रष्टाद्वय समीप र भण्डारीले ३/३ मुक्तक वाचन गर्दै बिचबीचमा विविध सन्दर्भ प्रस्तुत गरेका थिए । रोचक सन्दर्भ र प्रभावशाली मुक्तकको समन्वयले कार्यक्रमलाई निकै स्वादिलो तुल्याएको थियो ।
तेस्रो शृंखलामा क्रियाशील कविद्वय अल्पज्ञानी र सञ्जीव पौडेललाई दौंतरीमा गफिने छन्
लमजुङमा जन्मेर पोखरामा आएका समीप र कास्की जिल्लामै जन्मेर साहित्य साधनामा लागिरहेका भण्डारी पोखराका साहित्यिक गतिविधिमा निरन्तर सक्रिय र स्थापित सर्जक हुन् । साथमा मित्रताभित्रका विविध सन्दर्भ ठट्यौली पाराले राख्दै कार्यक्रमको माहौललाई रमाइलो तुल्याएका थिए । बीचबीचमा अन्तर्सम्बन्धका केही गुह्य पक्षलाई कोट्याउने काम डा. अधिकारीले गरिरहेकै थिए । हलमा उपस्थित दर्शकहरू निकै चाख मानी मानी यी सबै कुरा सुनिरहेको देखिन्थ्यो । गफगाफले रमाइलो बनाएको माहौललाई मुक्तक वाचन गर्दा निकै गम्भीर पनि तुल्याउँथे समीप र भण्डारी । उनीहरूले देशभक्ति, राजनीति, सामाजिक विकृति, भ्रष्टाचार, माया प्रेम, समसामयिक सन्दर्भ एवं शृंगारिक विषयका पन्ध्र पन्ध्रओटा मुक्तक वाचन गरेका थिए ।
पूरै एक घण्टासम्म दुई जना मित्रका सिर्जना र अनुभव सुनेपछि फेरि मञ्चमा देखा परे कार्यक्रम सञ्चालक सञ्जीव पौडेल । उनले सल्लाहकार विश्व सिग्देल र नेपाली लेखक संघका केन्द्रीय अध्यक्ष तीर्थ श्रेष्ठमार्फत दौंतरी सर्जक एवम् कार्यक्रमका सहयोगीहरूलाई मायाको चिनो प्रदान गरे ।
संस्थाले आगामी शृंखलामा त्यसभन्दा पछिल्लो पुस्तामा क्रियाशील कविद्वय अल्पज्ञानी र सञ्जीव पौडेललाई उभ्याउने घोषणा संस्थाले गरेको छ । कार्यक्रमका स्रष्टा दीपक समीपले सञ्जीव पौडेललाई र जीवनसागर भण्डारीले अल्पज्ञानीलाई खादा लगाएर शृंखला हस्तान्तरण गरे । यस सँगसँगै कार्यक्रममा उपस्थित सम्पूर्णलाई धन्यवाद ज्ञापन गर्दै संस्थाका अध्यक्ष डा. ईश्वरमणि अधिकारीले कार्यक्रमको समापन गरे ।
Related News
सम्बन्धित समाचार
७ श्रष्टालाई गण्डकी प्रज्ञा प्रतिष्ठानको सम्मान
‘घरजग्गा खरिदबिक्री नहुँदा अर्थतन्त्र कमजोर’
२२ महिनामा पनि बनेन हरिचोक–याम्दी खण्डको २ किमी सडक
पानीका मुहान सुक्न थालेपछि संरक्षण गरिँदै
राष्ट्रिय माविको दौडमा तेञ्जन र कविता प्रथम
hero news full width
मुख्य समाचार
अर्जुन र सुस्मिता बने वर्ष खेलाडी
दीर्घकालीन असर गर्ने निर्णय नगर्न अधिकारी सरकारका नाममा अन्तरिम आदेश- हेर्नुहोस् आदेश
वैशाख २८, २०८१साना योजना सिधै प्रदेश र स्थानीय सरकारलाई हस्तान्तरणः प्रधानमन्त्री
वैशाख २८, २०८१मुस्ताङको लोमान्थाङमा वैकल्पिक सडक निर्माण
वैशाख २८, २०८१सूर्यदर्शन सहकारीको अनुसन्धान प्रतिवेदन बुझाइयो
वैशाख २७, २०८१पूर्वन्यायाधीशको निधनपछि गण्डकी सरकार विरुद्धको रिटसहित सर्वोच्चका सबै सुनुवाइ स्थगित
वैशाख २७, २०८१