बाटुलेचौरमा ऐतिहासिक तीज मेला सम्पन्र

आदर्श समाज सम्वाददाता
असाेज १, २०८०

पोखरा । तीज अवसरमा पोखराको बाटुलेचौरमा ऐतिहासिक तीज मेला भएको छ । मेलामा आमन्त्रित १६ महिला समूहले तीज गीत तथा नृत्य प्रस्तुत गर्नुका साथै तीजको परम्परागत भाका हम्काइलोसमेत प्रस्तुत गरे ।
स्थानीय हिमालय क्लबले आयोजनामा गरेको मेलामा विशुद्घ तीज गीत र नृत्य गरिएको थियो ।

पोखरा १६ र १९ वडाका १६ सहभागी आमा समूहललाई स्वरुप नगद १० हजार र प्रमाणपत्र वितरण गरिएको थियो ।

समूहलाई क्लब अध्यक्ष सुशील बस्नेतसहित वडाध्यक्ष अमृत शर्मा तिमिल्सिना, निवर्तमान अध्यक्ष मोहन थापा, संयोजक ताराप्रसाद तिमिल्सिना, मानार्थ सदस्य बेनीबहादुर बस्नेत लगायतले पुरस्कार तथा प्रमाणपत्र वितरण गरेका हुन् ।
मेलामा लोकदोहोरी कलाकार राजन कार्की र ज्योति लोहनीले दर्शकलाई तीजे भाकामा झुमाएका थिए ।

यसअघि स्थानीय १६ आमा समूहका अध्यक्षसहित वडा सदस्यले संयुक्ररुपमा कार्यक्रम उद्घाटन गरे । कार्यक्रममा पूर्व मन्त्री एवं गण्डकी प्रदेशसभा सदस्य विन्दुकुमार थापासहित विभिन्न व्यक्तिलाई मायाको चिनो प्रदान गरिएको थियो ।
यसैबीच, आयोजक हिमालय क्लबले विन्ध्यवासिनी माविलाई सम्मान गरेको छ । शिक्षाको मन्त्रालयको मूल्यांकनमा देशभरमै उत्कृष्ट पहिलो बन्न सफल भई बाटुलेचौर क्षेत्रकै गौरव बढाएकोमा क्लबले सम्मान गरेको हो । क्लब अध्यक्ष सुशील बस्नेतले विद्यालय व्यवस्थापन समितिका ज्येष्ठ सदस्य गुरुदत्त भट्टराई, प्रअ कृष्णप्रसाद आचार्यलाई सम्मानपत्र हस्तानतरण गरेका थिए ।

सम्बन्धित समाचार

लामाचौर तीज महोत्सवमा स्रष्टा सम्मान

आदर्श समाज सम्वाददाता असाेज १, २०८०

पोखरा । नवआदर्श सामुदायिक विकास समाजको आयोजनामा २५ औं लामाचौर तीज महोत्सव सोमबार सकिएको छ । महोत्सव समापन गर्दै श्रम,…
भण्डाढिकमा तेज मेला सुरु

आदर्श समाज सम्वाददाता भाद्र २९, २०८०

लेखनाथ । भण्डारढिकको को प्रस्तावित रंशालामा बुधबारदेखि तीज मेला सुरु भएको छ । असोज १ सम्म चल्ने मेला भण्डारढिक टोल…
स्वामी रमणानन्द अभिनन्दित

आदर्श समाज सम्वाददाता भाद्र २९, २०८०

पोखरा । महेश सन्यास आश्रम तथा महेश संस्कृत गुरुकुल देवघाटका पीठाधीश स्वामी रमणानन्द गिरीजी महाराजलाई पोखरामा अभिनन्दन गरिएको छ ।…
राधाकृष्ण मन्दिरमा सप्ताह तयारी

आदर्श समाज सम्वाददाता भाद्र २९, २०८०

पोखरा । भक्तिगोविन्द भागवत् श्री अध्ययन प्रतिष्ठान आयोजनामा पोखरा ३२, लामेआहालस्थित राधाकृष्ण मन्दिरमा श्रीमद्भागवत महापुराण ज्ञानमहायज्ञ (सप्ताह) हुने भएको छ…
‘पोखरालाई चेतनाको पर्यटनस्थल बनाउन सकिन्छ’

आदर्श समाज सम्वाददाता भाद्र २५, २०८०

पोखरा । जीवन विज्ञान संस्थाका संस्थापक एलपी भानु शर्माले दुईदिने पोखरा भ्रमण गर्दै विभिन्न ठाउँमा प्रवचन दिएका छन् । भ्रमणका…