पोखरा । लागु औषधी बिक्री वितरणमा संलग्न रहेको अभियोगमा कास्की प्रहरीले २ युवकलाई पक्राउ गरेको छ । पक्राउ पर्नेमा पोखरा १५ नागबेली बस्ने २५ वर्षीय वाल आले र सिरहा घर भइ हाल पोखरा ७ घारीपाटन बस्ने ३३ वर्षीय अरुण तामाङ हुन् ।

भदौ २५ मा लागु औषध नियन्त्रण ब्युरो शाखा कार्यालय पोखरा, जिल्ला प्रहरी कार्यालय कास्की र वडा प्रहरी कार्यालय बैदाम, रामबजार समेतबाट खटिएको संयुक्त प्रहरी टोलीले नागबेली मार्गबाट उनीहरुलाई पक्राउ गरेको हो ।

उनीहरुको साथ र कोठाबाट नुर्फिन ३० एम्पुल, डाइजेपाम ३० एम्पुल र फेनरागन ३० एम्पुल गरी जम्मा ९० एम्पुल लागु औषध बरामद गरिएको प्रहरीले जनायो । अनुसन्धानका लागि जिल्ला अदालतबाट ७ दिनको म्याद अनुमति लिइएको छ ।