कतार । कास्की आदर्श समाज कतारको आयोजना साथै गैर आवासीय नेपाली संघ राष्ट्रिय समन्वय परिषद् कतार खेलकुद विभागको सहकार्यमा सम्पन्न अन्तर नेपाली समुदाय खुला पुरुष भलिबल प्रतियोगिताको उपाधि आयोजक कास्की आदर्श समाज कतारले हात पारेको छ ।

इस्लाम धर्मालम्बीको पर्व बकर इदको अवसर पारेर खेलाइएको खेल ३ दिनसम्म चलेको थियो । आयोजक संस्थाका अध्यक्ष अग्निधर देवकोटाका अनुसार प्रतियोगितामा १४ टिमको सहभागिता थियो ।

प्रतियोगितामा दोस्रो युथ क्लब ३८, तेस्रो स्याङ्जा सहयोग समाज कतार र चौथो बागलुङ सेवा समाज भए । प्रथम हुने कास्की आदर्श समाजले नगद कतारी रियाल ५ हजार, दोस्रो, तेस्रो र सान्तवना हुने टिमले क्रमश २ हजार ५ सय १ हजार र ५ सय ट्रफी, मेडल, खादा र प्रमाणपत्र प्राप्त गरे ।

सर्वाेत्कृस्ट खेलाडी कास्की आदर्श समाजका विशाल विक, उत्कृष्ट स्पाइकर युथ क्लब ३८ का सरोज थापा, उत्कृष्ट ब्लकर कास्की आदर्श समाजका राजेन्द्र पोख्रेल, उत्कृष्ट सटर कास्की आदर्श समाजका मनोज खड्का र उत्कृष्ट डिफेन्स स्याङ्जा सहयोग समाजका सञ्जु सुनार भए ।

कार्यक्रमको सहजीकरण सस्थाका सचिव विष्णु तिमिल्सि, प्रतियोगिताको संयोजन अमृत विश्वकर्माले गरेका थिए । प्रतियोगिता अवलोकनका लागि नेपालबाट राष्ट्रिय रेफ्री मनोज खड्का एवं राष्ट्रिय खेलाडी विशाल विक पुगेका थिए ।