स्याङ्जा । जिल्ला समन्वय समिति स्याङ्जाको गाडी दुर्घटना भएको छ । अर्जुनचौपारी गाउँपालिका ३ खोलेमा बुधबार साँझ बा १ झ ५८७८ नम्बरको पिकअप गाडी दुर्घटनामा चालकको मृत्यु भएको छ । दुर्घटनामा जिल्ला समन्वय समिति अधिकारीसहित ३ जना घाइते छन् ।

प्रहरीका अनुसार दुर्घटनामा ४५ वर्षीय जिसस अधिकारी राजेन्द्र पौडेल, विद्युत सुपरभाइर ४५ वर्षीय टीकाराम पौडेल र अम्बिका पौडेल घाइते भएका हुन् । शिरुबारीबाट खोले हुँदै रापाकोट जानेक्रममा गाडी सडकभन्दा करिब ५० मिटर तल खसेर दुर्घटना भएको हो ।

दुर्घटनाबारे थप अनुसन्धान अगाडि बढाइएको प्रहरी नायव उपरीक्षक रवीन्द्र खनालले बताए । घाइतेको जिल्ला अस्पतालमा थप उपचार भइरहेको छ ।