चिप्लेढुंगाका फलफूल व्यवसायी न्यौपाने दम्पतिको निधन

आदर्श समाज सम्वाददाता
जेठ १९, २०८०
Death Photo

पोखरा । नेपाल यातायात स्वतन्त्र मजदुर संगठन तरकारी फलफूल ढुवानी इकाई पोखराका पूर्वअध्यक्ष मेघबहादुर न्यौपाने दम्पतीको मृत्यू भएको छ । नेपाल ट्रेड युनियन महासंघ (जिफन्ट) कास्कीका पूर्व अध्यक्ष समेत रहेका न्यौपाने र उनकी श्रीमती शान्ति न्यौपानेको मोटर साइकल दुर्घटना परी निधन भएको हो ।

मनकामना दर्शन गरेर फर्कदै गर्दा दुर्घटनामा परी उनीहरुको मृत्यु भएको जिफन्ट गण्डकी प्रदेश कमिटीका अध्यक्ष रुद्रबहादुर खत्रीले जानकारी दिए । मन्दिर दर्शन गरी जन्म घर धादिङ फर्कने क्रममा मंगलबार पृथ्वीराजमार्गको कुरिनटार नजिकै मोटर साइकल त्रिशुली नदीमा खसेर न्यौपाने दम्पत्तीको निधन भएको खत्रीले बताए । मोटर साइकल त्रिशुली खसेर बेपत्ता शान्तिको शव मंगलबारै फेला परेको थियो भने मेघबहादुरको शब शुक्रबार फेला परेको थियो । न्यौपाने दम्पत्तीका दुई छोरी छन् ।

सरल स्वभाव र मिजासिला मजदुर नेता न्यौपाने कर्मक्षेत्र पोखरामा श्रमिकका हक, हित र अधिकार रक्षाका लागि क्रियाशील थिए ।

Related News

सम्बन्धित समाचार

hero news full width